Conte មានភាគរយខ្ពស់ជាងគេសម្រាប់ទៅដឹកនាំក្រុម អ៊ីតាលី

4114
  • អនុ​ប្រធាន​សហព័ន្ធ​កីឡា​បាល់ទាត់​របស់​អ៊ីតាលី​លោក Alessandro Costacurta បានបង្ហើប​ឲ្យ​ដឹង​ថា Antonio Conte ដែល​ជា​អ្នក​ចាត់​ការ​ទូទៅ​របស់ក្លឹប​ Chelsea គឺ​ជា​ជម្រើសដំបូង​របស់​គាត់​សម្រាប់​តំណែង​គ្រូ​បង្វឹក​របស់​ក្រុម​ជម្រើស​ជាតិ​។
    Conte បាន​ដឹក​នាំ Azzurri (ក្រុម​ជម្រើស​ជាតិ​អ៊ីតាលី) មុនពេល​កាន់​តំណែង​ថ្មី​នៅ Stamford Bridge ជំនួស​លោក Cesare Prandelli នៅ​ខែ​សីហា ឆ្នាំ ២០១៤ ហើយ​គាត់​បានចាកចេញ​ពី​តំណែង​ជា​គ្រូ​បង្វឹក បន្ទាប់​ពី​ក្រុម​បាន​ឈាន​ដល់​វគ្គ​ប្រាំបី​ក្រុម​ចុង​ក្រោយ​នៅ Euro ២០១៦ ។

    Image result for Alessandro Costacurtaលោក Alessandro Costacurta

    អ៊ីតាលី​ហាក់​មិន​មាន​សំណាង​សោះ ចាប់​តាំង​ពី​ការ​ចាកចេញ​របស់ Conte ដោយ​ធ្លាក់​មិនបាន​ទៅ​ចូល​រួម​ក្នុង​ការ​ប្រកួត World Cup ២០១៨។ ជា​លទ្ធផល Gian Piero Ventura ត្រូវបាន​បណ្តេញ​ចេញ​ពី​តំណែង ហើយ​បាន​តែង​តាំង Luigi Di Biagio ជា​គ្រូ​បង្វឹក​ជំនួស​បណ្តោះ​អាសន្ន​។

    Related imageលោក  Gian Piero Ventura

    អតីត​ខ្សែ​ការពារ​របស់ AC Milan​ លោក Costacurta ជា​អ្នក​ទទួល​ខុស​ត្រូវ​លើ​ការ​ស្វែងរកគ្រូ​បង្វឹក​ថ្មី​សម្រាប់​ដឹកនាំ​ក្រុម​ជម្រើស​ជាតិ ហើយ​គាត់​បាន​បង្ហាញ​អ្នក​រាល់​គ្នា​យ៉ាង​ច្បាស់​នូវគ្រូ​បង្វឹក​ដែល​គាត់​ពេញ​ចិត្ត​។
    គាត់​បាន​និយាយ​ថា៖ «ខ្ញុំ​មិន​ទាន់​បាន​ជ្រើសរើស​នៅ​ឡើយ​ទេ ប៉ុន្តែ​ខ្ញុំ​គិត​ថា Conte គឺ​ជាមនុស្ស​ដែល​ស័ក្តិសម​បំផុត​។ ខ្ញុំ​នឹង​ពិភាក្សា​ជា​មួយ​គាត់​ក្នុង​រយៈពេល​ពីរបី​ខែ​ទៀត»។

    Related imageលោក Conte

    «គាត់​បាន​បង្ហាញ​ឲ្យ​ឃើញ​រួចហើយ​ថា​គាត់​ដឹង​ពី​របៀប​ដឹកនាំ​ក្រុម​ជម្រើស​ជាតិ ខណៈពេល​ដែល​អ្នក​ផ្សេង​ទៀត​មិន​ទាន់​បាន​បង្ហាញ​នៅ​ឡើយ​ទេ​។ តែនេះ​មិន​មែន​មាន​ន័យ​ថា​ខ្ញុំមិន​ពេញ​ចិត្ត​នឹង Mancini ឬ Ancelotti ឡើយ បើ​ទោះ​បី Ancelotti ហាក់​ដូចជា​បាន​ដក​ខ្លួនចេញ​ពី​ការ​ជ្រើសរើស​នេះ​ក៏​ដោយ​»។

    Related imageក្រុមជម្រើសជាតិ អ៊ីតាលី

    ការ​បង្ហើប​របស់ Costacurta បាន​បន្ថែម​កម្តៅ​បន្ថែម​ទៀត ខណៈពេល​ដែល​អនាគត​របស់ Conte នៅ Chelsea កំពុង​តែ​ស្ថិត​នៅក្នុង​ភាព​មិន​ច្បាស់​លាស់​។ បើ​ទោះបី​ជា​បាន​លើកពាន Premier League កាល​ពី​រដូវកាល​មុន​ក៏​ដោយ ក៏​ក្រុម​តោខៀវ​បាន​បាត់​បង់​ឱកាសការពារ​តំណែង​ជើង​ឯក​ទៅ​ហើយ ព្រម​ទាំង​បាន​ខ្ទាត់​ចេញ​ពី​ក្រុម​កំពូល​ទាំង ៤ នៅ​ក្នុង​តារាងដោយសារ​តែ​ចាញ់ Manchester United ក្នុង​លទ្ធផល ២-១ កាល​ពី​ថ្ងៃ​អាទិត្យ​នេះ​។

    ដោយ៖ តារា

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី