ខ្សែបម្រើសញ្ជាតិសិង្ហបុរី កីឡាករ Safuwan Baharudin មានអារម្មណ៍ធូរស្រាលក្រោយពីទទួលបាន Francis Forkey Doe និង ចាន់ វឌ្ឍនាការ ធ្វើជាមិត្តរួមក្រុម Pahang FA ក្នុងលីគកំពូលម៉ាឡេស៊ី។
បន្ទាប់ពីបរាជ័យក្នុងការស្វែងរកគ្រាប់បាល់ក្នុងពីរប្រកួតដំបូងនៅលីគកំពូលម៉ាឡេស៊ីនៃរដូវកាលនេះ Pahang មានទម្រង់ថ្មីដោយអាចរកបាន ៦គ្រាប់ និងទទួលបានជ័យជម្នះពីរលើកក្នុងប្រកួតទាំងពីរចុងក្រោយ ដែលធ្វើឲ្យពួកគេឈរនៅលេខរៀងទី៣។
ជ័យជម្នះក្នុងដីដ៏គួរឲ្យរំភើបក្នុងលទ្ធផល ៣-០ ពេលប៉ះជាមួយ Kelantan បន្ទាប់ពីទទួលជ័យជម្នះលើ Selangor FA លទ្ធផលជ័យជម្នះ ៣-១ ។ ភាពកាក់កបរបស់ក្រុមកើតមានឡើងចំពេលដែលក្លឹបទទួលបានខ្សែប្រយុទ្ធសញ្ជាតិលីប៊ី Francis Forkey Doe ដែលរកគ្រាប់បាល់បាន ៣គ្រាប់រួចទៅហើយត្រឹមតែពីរប្រកួតប៉ុណ្ណោះ។
អតីតខ្សែប្រយុទ្ធ Selangor FA គឺទទួលបានមកក្រោយគេ ព្រមជាមួយខ្សែប្រយុទ្ធប្រេស៊ី កីឡាករ Patrick Cruz ។
ខ្សែបម្រើកណ្តាលសញ្ជាតិសិង្ហបុរី Safuwan Baharudin ដែលមានការបារម្ភចំពោះកម្លាំងប្រយុទ្ធកណ្តាលកាលពីដើមប្រកួតរដូវកាល ឥឡូវនេះ មានអារម្មណ៍ធូរស្រាលដោយមានមិត្តរួមក្រុមខ្លាំងៗដល់ទៅពីរនាក់ ដែលធ្វើឲ្យគាត់រំពឹងយ៉ាងមុតមាំថានឹងលើកពានបាន។
Safuwan បានទៅកាន់វិបសាយ FOX Sports Asia ថា «ពេលនេះយើងរកឃើញភាពរណ្តំនៃដូចចង្វាក់ភ្លេងក្នុងក្រុមរបស់យើងហើយបើទោះបីជាយើងទទួលបានលទ្ធផលមិនសូវល្អក្នុងពីរប្រកួតដំបូងក៏ដោយ។ «ប៉ុន្តែជាមួយវត្តមានរបស់ Forkey Doe និង Patrick យើងធ្វើបានល្អពេលប៉ះជាមួយ Selangor ។
«ទោះបីជាលេងតទល់ជាមួយក្លឹបចាស់របស់ខ្លួនក៏ដោយ កីឡាកររូបនេះលេងអស់ពីសមត្ថភាពដើម្បីរកគ្រាប់បាល់ឲ្យបាន និងរកបានបីពិន្ទុុ។
«គាត់ជាកីឡាករឆ្នើមខ្លាំងណាស់ក្នុងការប្រកួតលើកនេះ» ។
ក្រៅពីនោះ Safuwan ក៏បានលើកសរសើរមិត្តរួមបន្ទប់ជាមួយគ្នាគឺខ្សែប្រយុទ្ធកម្ពុជា ចាន់ វឌ្ឍនាកា ដែលកាតាលីករក្នុងការតទល់ជាមួយក្រុមខ្លាំងៗដូចជា Johor Darul Ta’zim ។
រូបគាត់បាននិយាយថា៖ «វឌ្ឍនាកាជាមិត្តរួមបន្ទប់លើដំណើរទៅយកពាន ហើយខ្ញុំបានហៅគាត់ថា ( Car ) ឡាន ពីព្រោះវាខ្លី និងងាយស្រួលហៅ ។
«ពួកយើងចូលចិត្តលេងសើច និយាយកំប្លែងទៅរកគ្នាទៅវិញទៅមក ដែលនេះជាអ្វីមនុស្សចូលចិត្តធ្វើពេលនៅជុំគ្នា។
«វឌ្ឍនាកាជាកីឡាករដែលមានគុណភាពខ្ពស់ ហើយដូចអ្នកដទៃផ្សេងទៀតដែរ គឺគាត់តែងតែជំរុញខ្លួនគាត់ឲ្យហ្វឹកហាត់ឲ្យបានខ្លាំងក្លាដើម្បីជួយក្រុម។ ការចាប់ផ្តើមមិនល្អបានក្លាយជាសម្ពាធលើយើងទាំងអស់គ្នា ប៉ុន្តែឥឡូវនេះ យើងត្រៀមរួចរួលដើម្បីធ្វើឲ្យកាន់តែប្រសើរ។
«ខ្ញុំគិតថាកម្លាំងរបស់យើងកើតចេញពីសាមគ្គីភាព និងការយល់ចិត្តគ្នាមិនថាកីឡាករនោះមានប្រភពមកពីណានោះទេ។»
ពេលនេះ Pahang នឹងបង្វែរការយកចិត្តទុកដាក់ទៅលើការប្រកួត FA Cup ម៉ាឡេស៊ីនៅថ្ងៃអាទិត្យនេះ ដែលជាការប្រកួតក្នុងដីជាមួយ ATM FA មុនការប្រកួតលីគដែលនឹងបន្តសកម្មភាពឡើងវិញមួយសប្តាហ៍ក្រោយទៀតគឺនៅថ្ងៃទី ១០ ខែមីនា ដោយត្រូវប៉ះជាមួយ Negeri Sembilan ៕
ដោយ៖ តារា
