Muangthong ទក់សាច់របសក្រុមចំណូលថ្មី PT Prachuap នៅលីគកំពូលថៃ

11514
  • ក្រុមជើងខ្លាំង​ក្នុង​លីគកំពូលថៃ គឺ Muangthong United ហាក់​ស្រងាកចិត្ត​កាលពីថ្ងៃសៅរ៍កន្លងទៅ​ក្រោយ​ត្រូវ​បរាជ័យ​ក្រោម​ថ្វៃជើង​របស់​​ក្រុម​ដែលទើប​ដំឡើង​មក​ថ្មីៗ គឺក្រុម PT Prachuap នៅ​កីឡដ្ឋាន Sam Ao។

    Image may contain: 2 people, people playing sports and text

    នៅ​តង់​ទីមួយ​​ក្រុម​ម្ចាស់​ផ្ទះក្មេងខ្ចី​បានដាក់​សម្ពាធលើគូប្រជែង​ដែលជាក្រុម​ជើង​ខ្លាំង​យូរមកហើយ​ក្នុង​លីគកំពូល​ថៃ​ក្នុង​លទ្ធផលបណ្តោះអាសន្ន ៤-០។ ការរកគ្រាប់​បាល់​ដំបូងរបស់​ក្រុម​ទើប​ដំឡើង​មក​ថ្មីៗនេះ ធ្វើឡើង​ត្រឹម​តែនាទីទី ១៤ ប៉ុណ្ណោះ ដោយ​ការ​តែត​របស់​​កីឡាករ Amorn Thammanarm ពី​បាល់​ជ្រុង​។

    Image may contain: 3 people, people playing sports and text

    ៩ នាទីក្រោយ​មក​ស្រាប់​តែ​ខ្សែការពាររបស់ Muangthong គឺកីឡាករ Celio Santos បាន​ធ្វើ​ឲ្យ​ភ្លាត់​ស្នៀត​ដោយ​បាល់​ឆ្លង​ផុត​អ្នក​ចាំ​ទីរបស់ខ្លួន ហើយ​ក៏​ត្រូវ​កីឡាករ Chitpanya Tisud របស់​ក្លឹប​ Prachup ស៊ុត​បង្ហើយតែម្តងទៅ។

    Image may contain: 1 person, playing a sport and text

    Jonathan Ferreira Reis គឺជាកីឡាករ​បន្ទាប់​ដែល​អាច​រកគ្រាប់​បាល់​បាន​ឲ្យ​ក្រុម​ថ្មី​នេះ។ នៅ​បីនាទីក្រោយ​មក Orahovac បានបញ្ជូនបាល់​ទៅ​ឲ្យ​ Amorn ដែល​បាន​រកបន្ថែម​​មួយ​គ្រាប់​ទៀត។ Prachup នាំ​មុខ Muangthong ៤-០ ជាបណ្តោះអាសន្ន។ បន្តិចក្រោយ​មក​ Muangthong ក៏រកបាន​មួយគ្រាប់​មកវិញ​ពីបាល់​ហ្វ្រ៊ីឃីក ធ្វើ​ឲ្យ​ Prachup ថយ​ចុះ​ការ​នាំ​មុខមក​​ត្រឹម​បីវិញ។ ប៉ុន្តែនៅ​នាទី ៦៥ ស្រាប់តែ​ Prachuap បន្ត​ការ​នាំមុខ ៤ គ្រាប់​បន្ត ក្រោយ​​រកបានមួយគ្រាប់​ទៀត​ពី​​កីឡាករ Lonsana Doumbouya ពី​បាល់​ពិន័យ​ ១១ ម៉ែត្រ ដែលបង្កកំហុស​ដោយ​កីឡាករ Thossawat Limwannasathian របស់​ក្រុម​ Muangthong ។

    Image may contain: 2 people, people playing sports and text

    នៅ​សល់​ត្រឹម ៦នាទី​ មុន​ចប់​ការប្រកួត ស្រាប់​តែ​ Doumbouya រកបាន​គ្រាប់​ទីពីរ​របស់​គេ​ពីការ​តែត​បាល់​ជ្រុង​។ ការ​ប្រកួត​ក៏បាន​បញ្ចប់​ទៅ​ក្នុង​លទ្ធផល Prachuap ៦-១ Muangthong។ លទ្ធផល​នេះ​អាច​ចាត់​ទុក​ជា​បរាជ័យ​ដ៏ធំបំផុត​មួយ​របស់​ក្រុម​ខ្លាំង Muangthong ដែល​ត្រូវ​មក​ចាញ់​ក្រុម​ឡើង​ថ្មី​យ៉ាង​ចាស់​ដៃបែបនេះ។ ទោះជាយ៉ាងណាក្តី ការប្រកួត​គឺបែបនេះឯង គឺតែងមានចាញ់​ មាន​ឈ្នះជារឿង​ធម្មតា។ ការ​ចាញ់​បាន​ជាបទពិសោធន៍ ហើយ​ការឈ្នះ​បាន​ជាកម្លាំង​ចិត្ត​ដើម្បី​បន្តទៅមុខទៀត៕

    ដោយ៖ Dara Hunii

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី