អត្តពលិកកីឡាជនពិការ និងគ្រូបង្វឹកកម្ពុជា ១២ រូប ធ្វើដំណើរចូលរួមប្រកួត EKI DEN Sport នៅជប៉ុន

17212
  • អត្តពលិកកីឡាជនពិការ និងគ្រូបង្វឹកកម្ពុជា ១២ រូប បានចេញដំណើរចូលរួមប្រកួត EKI DEN Sport ដឹកនាំដោយ ឯកឧត្តម យី វាសនា អគ្គលេខាធិការគណកម្មាធិការជាតិឡាំពិកកម្ពុជា កាលពីល្ងាចថ្ងៃទី ២១ ម្សិលមិញ នៅប្រទេសជប៉ុន ។

    ឯកឧត្តម យី វាសនា មានប្រសាសថា EKI DEN Sport នេះជាប្រភេទកីឡាមួយ ដែលម្ចាស់ជប៉ុនតែងតែធ្វើឡើងជារៀងរាល់ឆ្នាំ ហើយអញ្ជើញប្រទេសជាមិត្តភ័ក្រ ក្នុងតំបន់អាស៊ី ដើម្បីធ្វើការប្រកួតពង្រឹងមិត្តភាព សាមគ្គីភាព ជាពិសេសដកស្រង់យកបទពិសោធន៍ និងបច្ចេកទេសអត្តពលិកជនពិការកម្ពុជាយើង ត្រៀមការប្រកួតនានា នាពេលខាងមុខ ។

    សូមបញ្ជាក់ថា ការប្រកួត EKI DEN Sport ដែលជប៉ុនធ្វើជាម្ចាស់ផ្ទះនេះ គឺចែកចេញជាច្រើនប្រភេទ មានកីឡាករកាយសម្បទាល្អ និងមានទាំងជនពិការផងដែរ ក្នុងនោះកម្ពុជាបញ្ជូនកីឡាករ កីឡាការិនី និងប្រតិភូសរុប ១៣នាក់ ៕

    ដោយ៖ តារា

  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី