គ្រូបង្វឹករបស់ Southampton ត្រូវបានបណ្ដេញចេញ

15399

ក្លឹបបាល់ទាត់ Southampton បានធ្វើការប្រកាស​ចែកផ្លូវគ្នាជាមួយគ្រូបង្វឹករបស់ខ្លួនគឺលោក Pellegrino ក្រោយពីលោក​មិនអាចដឹកនាំក្រុមឲ្យទទួលបានលទ្ធផលល្អ ដោយ ១៧ ប្រកួតចុងក្រោយ លេងឈ្នះតែម្ដងប៉ុណ្ណោះ និងកំពុងឈរលេខរៀងទី១៧ក្នុងតារាង។

Related image

ប្រកួតចុងក្រោយក្រោមការដឹកនាំរបស់លោក Pellegrino កាលពីថ្ងៃសៅរ៍កន្លងទៅ ក្រុមនេះ​ចាញ់ក្រុម Newcastle United ក្នុងលទ្ធផល ៣ – ០
ដែលធ្វើឲ្យក្រុមមួយនេះឈរនៅលេខរៀងទី ១៧ ដោយ​មាន​ពិន្ទុលើស​ក្រុមដែលស្ថិតក្នុង​តំបន់​កាត់​ចោល​តែមួយពិន្ទុប៉ុណ្ណោះ។ គ្រូបង្វឹកសញ្ជាតិអាហ្សង់ទីនរូបនេះបានចូលមកកាន់តំណែងកាលពីរដូវក្ដៅឆ្នាំទៅ ប៉ុន្ដែមិនទទួលបានជោគជ័យនោះទេ បន្ទាប់ពីដឹកនាំក្រុមចាញ់ការប្រកួតជាបន្តបន្ទាប់។

Related image

ជំនួយការគ្រូបង្វឹកគឺលោក Carlos Compagnucci និង Xavier Tamarit ក៏បានចាកចេញផងដែរ។ ក្លឹប Southampton បានឲ្យដឹងថា ពួកគេនឹងស្វែងរកអ្នកចាត់ការថ្មី ឲ្យ​បានលឿនតាមដែលអាចធ្វើទៅបាន ហើយការស្វែងរក
កំពុងតែដំណើរការ។សម្រាប់ប្រកួតបន្ទាប់គឺក្រុម​នេះ​នឹង​ត្រូវប៉ះ West Ham United នៅថ្ងៃទី ៣១ ខែ មីនា ខាងមុខ​នេះ៕

ដោយ៖ Dara Hunii 

ប្រភព :
foxsportsasia
ភ្ជាប់ទំនាក់ទំនងជាមួយ Merl Plus
  • អត្ថបទថ្មី