FIFA បានដក​បម្រាមពី ប៉ាគីស្ថាន​ វិញហើយ

6297
  • តាមរយៈសារអេឡិចត្រូនិក​ដែល​ផ្ញើ​ទៅ​កាន់​ សហព័ន្ធបាល់​ទាត់ប៉ាគីស្ថាន (PFF) FIFA បាន​ដក​បម្រាម​ក្នុង​ការប្រកួត​អន្តរជាតិ​លើ​ក្រុម​​ប៉ាគីស្ថាន​ ដែល​ខ្លួន​បាន​ដាក់​កាលពី​ខែ តុលា ឆ្នាំ ២០១៧ កន្លង​ទៅ​​ក្រោម​បទចោទប្រកាន់ថា ​​មាន​ការ​អន្តរាគមន៍​ពីជនទីបី​​ទៅក្នុងកិច្ច​ការ​របស់​សហព័ន្ធ ពាក់ព័ន្ធ​នឹង​ការ​ជ្រើសរើស​ប្រធាន​សហព័ន្ធ។

    Image result for Pakistan Football Federation

    ឆ្អឹង​ដែល​បាន​ជាប់​គាំង​ក្នុង​បំពង់ករបស់​ប៉ាគីស្ថាន​តាំងពីឆ្នាំ ២០១៥ ក្រោយ​ត្រូវបាន​ចោទថា​ការបោះឆ្នោត​ជ្រើស​រើស​ប្រធានសហព័ន្ធ​គឺលោក​ Faisal មាន​លក្ខណៈនយោបាយ​ក្រោយ​តុលាកំពូល​សម្រេច​តែងតាំង​ប្រធាន​សហព័ន្ធ​​រូបនេះ​។ ដោយ​សារ​បញ្ហា​ពាក់ព័ន្ធ​នឹង​រឿង​នយោបាយ​នេះ​ហើយ​ទើ​បធ្វើ​ឲ្យ​ក្រុម​ជម្រើស​ជាតិ​ប៉ាគីស្ថាន ខក​ខាន​មិន​បាន​ប្រកួតលក្ខណៈអន្តរជាតិ​​តាំងពី​ការ​ប្រកួត​ជម្រុះ​ World Cup ដែល​ចាញ់​ក្រុម យ៉េមិន ក្នុងលទ្ធផល ៣-១ កាលពី​ឆ្នាំ ២០១៥ មកម្លេះ​។

    Related image

    ដំណឹង​ទាក់ទង​នឹង​ការ​ដក​បម្រាមរបស់​ FIFA ធ្វើ​ឲ្យ​រញ្ជួយ​វិស្ស័យ​បាល់​ទាត់​ប៉ាគីស្ថានឡើងវិញ​ ដែល​ស្ទើរគ្រប់​គ្នា​បាន​បញ្ជាក់​ពី​ការ​ត្រូវ​ខិត​ខំ​ប្រឹង​ប្រែង​ឆ្ពោះទៅមុខ និង​ធ្វើ​ឲ្យ​បាល់​ទាត់​ប៉ាគីស្ថាន​ មាន​ជីវិត​រស់​ឡើង​វិញ។
    គួរបញ្ជាក់​ផង​ដែរថា បម្រាម​របស់​ FIFA មិន​មែន​ប៉ះ​ពាល់​តែ​ចំពោះ​ការ​ប្រកួតជាលក្ខណៈអន្តរជាតិ​តែ​មួយ​មុខ​ទេ តែ​វា​នឹង​ប៉ះ​ពាល់​ដល់​ថវិកា​សម្រាប់​ការ​អភិវឌ្ឍវ័ស្ស័យ​បាល់​ទាត់​ទាំង​មូល​ផងដែរ ៕

    ដោយ៖ Dara Hunii

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី