គ្រូ Chelsea អះអាងថា ការឡើងទៅវគ្គផ្ដាច់ព្រ័ត្រ UCL គឺងាយស្រួលជាងការឈ្នះពាន ខារ៉ាបាវ

5779

គ្រូបង្វឹករបស់ក្លឹបតោខៀវ​ Chelsea លោក Maurizio Sarri បាន​លើកឡើង​កាល​ពី​ពេល​ថ្មី​ៗ​នេះ​ថា​ ការ​ឡើង​ទៅ​ដល់​វគ្គ​ផ្ដាច់​ព្រ័ត្រ​នៃក្របខ័ណ្ឌ UEFA Champions League គឺមានភាពស្រួល​ជាង​ឈ្នះ​ពាន​ ខារ៉ាបាវ ឬ League Cup ។

បុរសវ័យ ៥៩ ឆ្នាំរូបនេះ​បាន​និយាយ​ប្រាប់​សារព័ត៌មាន Daily Mirror ថា​៖ ” Premier League ពិបាក​ណាស់ ។ ដើម្បី​ឡើង​ទៅ​ដល់​វគ្គ​ផ្ដាច់​ព្រ័ត្រ​ League Cup បាន​ យើង​ត្រូវ​តែ​លេង​ប៉ះ​នឹង​ Liverpool បន្ទាប់​មក Tottenham Hotspur ហើយ​ប៉ះ​នឹង​ Manchester City នៅ​វគ្គ​ផ្ដាច់ព្រ័ត្រ​ ។ វា​មាន​ភាព​ងាយ​ស្រួល​ជាង​ ពេល​យើង​ឡើង​ទៅ​ដល់​ វគ្គ​ផ្ដាច់​ព្រ័ត្រ​នៃ UEFA Champions League ” ។

ទោះជាយ៉ាងណាក៏លោក Sarri មិនបានបកស្រាយពីមូលហេតុដែលលោកបានពោលដូច្នេះឡើយ ។ ក្រៅពីនេះលោកក៏បាននិយាយថាក្នុងក្របខ័ណ្ឌ UEFA Europa League វាមិនមានភាពងាយស្រួលទេ តែមនុស្សភាគច្រើនឱ្យតម្លៃក្របខ័ណ្ឌ Champions League ជាង ។ ខណះក្លឹបតោខៀវ Chelsea នឹងត្រូវប៉ះនឹងក្លឹបខ្លាំងអាល្លឺម៉ង់ Frankfurt នៅវគ្គពាក់កណ្ដាលផ្ដាច់ព្រ័ត្រនៃក្របខ័ណ្ឌ UEFA Europa League ដែលនឹងលេងក្នុងខែឧសភា ខាងមុខនេះ ៕

ដោយ៖

ប្រភព :
90min
ភ្ជាប់ទំនាក់ទំនងជាមួយ Merl Plus
  • អត្ថបទថ្មី