គ្រូ​បង្វឹក​របស់ Liverpool ​ថា គាត់​ពេញ​ចិត្ត​នឹង​ធ្វើ​ការ​ប្រកួតជាមួយ Manchester City

5153
  • Jurgen Klopp គ្រូ​បង្វឹក​របស់ Liverpool បាន​និយាយ​ថា គាត់​ពេញ​ចិត្ត​នឹង​ធ្វើ​ការ​ប្រកួតជាមួយ Manchester City ក្នុង​វគ្គ​ប្រាំបី​ក្រុម​ចុងក្រោយ​នៅ​ក្រប​ខណ្ឌ UEFA Champions League នៅខែ​មេសា​ខាង​មុខ​នេះ​។ ក្រុម​ហង្សក្រហម​ត្រូវ​ប៉ះ​ជាមួយ Citizens (City) តាម​រយៈការ​ចាប់​ឆ្នោត​កាល​ពី​ថ្ងៃសុក្រ​នៅប្រទេស​ស្វីស។ ហើយ​នៅក្នុង​បី​ប្រកួត​ផ្សេង​ទៀត​នៃ​វគ្គ​ប្រាំបី​ក្រុម​ចុង​ក្រោយ Juventus ត្រូវប៉ះ​ជាមួយ Real Madrid, Sevilla ជា​មួយ FC Bayern München ហើយ Barcelona ត្រូវ​ជួបជា​មួយ Roma ។

    Image result for Jurgen Klopp

    ការប្រកួត​ជើងទី​មួយ​ត្រូវបាន​គេ​កំណត់​នៅ​ថ្ងៃ​ទី ៣ និង ៤ ខែ​មេសា ខណៈ​ការប្រកួត​ជើង​ទីពីរ​នឹង​ត្រូវ​ធ្វើឡើង​នៅ​ថ្ងៃ​ទី ១០ និង ១១ ខែ​មេសា​។ Liverpool នឹង​ធ្វើ​ជាម្ចាស់​ផ្ទះ​ទទួល​ភ្ញៀវCity ក្នុង​ការ​ប្រកួត​ជើង​ទី​មួយ​នៅ​កីឡដ្ឋាន Anfield ។ Klopp និយាយ​ថា ក្រុម​របស់​គាត់​នឹង​ត្រៀម​លក្ខណៈ​ឲ្យ​បាន​រួចរាល់​ដើម្បី​ប្រឈម​ជា​មួយក្រុម​របស់ Pep Guardiola ហើយ​ពួកគេ​នឹង​លេង​ជាមួយ​នឹង​កម្លាំង​ចិត្ត​ខ្លាំង​បំផុត​នៅ​ក្នុង​ការប្រកួត​នេះ ទោះបី​ជា​ដឹងថា​មាន​ឧបសគ្គ​ដ៏​ធំ​កំពុង​រង់ចាំ​ពួកគេ​ក៏​ដោយ​។ Liverpool គឺ​ជា​ក្រុមតែមួយ​គត់​ដែល​បាន​បំបាក់ Man City នៅ​ក្រប​ខណ្ឌ Premier League ឆ្នាំ ២០១៧/១៨ ក្នុង​លទ្ធផល ៤-៣ កាលពី​ខែ​មករា​នៅ​ក្នុង​ការប្រកួត​មួយ​ដ៏​អស្ចារ្យ​។

    Image may contain: 1 person, standing and text

    គ្រូ​បង្វឹក​សញ្ជាតិ​អាល្លឺម៉ង់​រូបនេះ​បាន​ប្រាប់​គេហទំព័រ​ផ្លូវ​ការ​របស់​ក្លឹប​ថា៖ «ខ្ញុំ​បាន​និយាយបែប​នេះ​ពី​មុន ហើយ​វា​នៅ​តែ​ពិត​ដដែល​។ វា​ជារឿង​ធម្មតា​ទេ​នៅក្នុង​ការ​ចាប់​ឆ្នោត​ដែលអ្នក​នឹង​ត្រូវ​ប៉ះ​ជាមួយ​ក្រុម​ក្នុង​ស្រុក​របស់​អ្នក មិន​ថា​តិច ឬ​ច្រើន​ឡើយ ប៉ុន្តែ​និយាយ​តាមត្រង់​ទៅ​ចុះ ខ្ញុំ​មិន​ខ្វល់​ទេ​»។

    Image result for Jurgen Klopp

    «វា​ដូច​កាល​ពី​មុន​បេះបិទ យើង​ប្រឹងប្រែង​ជាមួយ​នឹង​អ្វី​ដែល​យើង​មាន។ ឥឡូវនេះ ដល់​វេន Manchester City ម្តង ដែល​យើង​ត្រូវ​យក​ឈ្នះ​»។

    «យើង​ចាញ់​ម្តង ហើយ​ឈ្នះ​ម្តង​ពេល​លេង​ជាមួយ​ពួកគេ​នៅ​ក្នុង​ការ​ប្រកួត​នៅ​លីគ ហើយ​ខ្ញុំមិន​គិត​ថា ពួកគេ​ធ្លាប់​គិត​ពី​មុន​ថា​នឹង​អាច​ចាប់ឆ្នោត​ជួប​ជាមួយ Liverpool ទេ។ នោះ​ជាសញ្ញា​មួយ​សម្រាប់​យើង ដែល​បង្ហាញ​ថា​យើង​ខ្លាំង​ប៉ុន​ណា​»។

    Image result for Jurgen Klopp

    «ពិត​ណាស់ថា​យើង​មិនមែន​ជា​ក្រុម​ដែល​ទំនង​ជា​អាច​ឈ្នះ​នៅ​ជុំ​នេះ​ទេ ប៉ុន្តែ​នៅ​វគ្គ ៨ ក្រុមចុង​ក្រោយ​គឺ​មិនមាន​ក្រុម​ដែល​ទំនង​ច្រើន​ទេ ប្រហែល​ជា​មាន​តែ​ពីរ​ក្រុម​ប៉ុណ្ណោះ នោះ​គឺ Bayern និង Barcelona ប៉ុន្តែ​សូម​អរគុណ​ដល់​ព្រះ​ជា​ម្ចាស់ ព្រោះ​នេះ​ជា​កីឡា​បាល់​ទាត់ ហើយ​គ្មាន​នរណា​អាច​ដឹង​មុន​បាន​ឡើយ​»។

    «យើង​ត្រូវ​ធ្វើ​ការប្រកួត​មួយ​ចំនួន​ទៀត​ទម្រាំ​ដល់​ពេល​នោះ ប៉ុន្តែ​ខ្ញុំ​ពិត​ជា​ទន្ទឹង​រង់​ចាំវា​ខ្លាំងណាស់ ហើយ​យើង​នឹង​ប្រឹង​ប្រែង​លេង​ឲ្យ​អស់​ពី​សមត្ថភាព​» ៕

    ដោយ៖ Dara Hunii 

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី