ខ្សែបម្រើប្រយុទ្ធចំណូលថ្មី Sunny Jane ត្រូវបានកោះហៅចូលរួមក្នុងក្រុមជម្រើសជាតិនៃប្រទេសឡេសូតូ សម្រាប់ត្រៀមប្រកួតអំឡុងពេល FIFA Day ដោយចំនិងថ្ងៃប្រកួតសប្តាហ៍ទី ៤ នៃការប្រកួតលីគកំពូលកម្ពុជា។
Jane ទើបតែចូលរួមជាមួយភ្នំពេញក្រោន នាដើមឆ្នាំ ២០១៨ នេះ។ គេជាសមាជិកសំខាន់ដែលជួយក្រុមជើងឯកលីគកំពូលកម្ពុជា ៦ សម័យនេះ នៅតំបន់ខាងលើ។
Jane ធ្លាប់លេងអោយក្លឹប United FC ក្នុងឆ្នាំ ២០១៣ រួចប្តូរទៅលេងនៅលីគទី២ អាមេរិគ ជាមួយក្លឹប Wilmington Hammerheads ពីឆ្នាំ២០១៤-២០១៥ ព្រមទាំងក្លឹប Richmond Kickers (នៅលីគទី២អាមេរិគ) ក្នុងឆ្នាំ២០១៦ កន្លងមក ។ ជាងនេះទៅទៀត កីឡាកររូបនេះក៏បានជាប់ជាជម្រើសជាតិនៃប្រទេសឡេសូតូ តាំងតែពីឆ្នាំ ២០១៤ រហូតដល់បច្ចុប្បន្នថែមទៀតផង ៕
ដោយ៖ Dara Hunii
