Alexis Sanchez កំពុងជាន់ដានចាស់របស់ Di Maria នៅ Man UTD

5853
  • Alexis Sanchez បាន​និយាយ​ថា អ្វីៗ​មិនបាន​កើត​ឡើង​ដូច​ជា​ការរំពឹង​ទុក​ឡើយ ចាប់​តាំងពី​គាត់​បាន​ចាកចេញ​ពី Arsenal មក​កាន់ Manchester United កាល​ពី​ខែ​មករា ហើយ​ថាគាត់​កំពុង​តែរំពឹងថា​នឹង​អាច​លេង​បាន​ប្រសើរ​ជាង​នេះ​។

    Image result for Alexis Sanchez

    តារា​បាល់ទាត់​សញ្ជាតិ​ឈីលី​រូបនេះ​បាន​ផ្ទេរមក​ពី​ទឹកដី Emirates នៅដើម​ឆ្នាំ​នេះ ប៉ុន្តែ​រូបគេ​ហាក់​មិនទាន់​លេង​បាន​ល្អ​នៅឡើយ​ទេ​ចាប់តាំង​ពី​ពេល​នោះ​មក ដោយ​ធ្វើ​បាន​តែ​មួយគ្រាប់​ប៉ុណ្ណោះ​ក្នុងការ​បង្ហាញ​ខ្លួន​ចំនួន ១០ លើក​។ថ្លែង​នៅមុន​ការប្រកួត​មិត្ត​ភាព​រវាង​ក្រុម​ជម្រើស​ជាតិ​ឈីលី​ជាមួយ​ស៊ុយ​អែត​នៅ​ថ្ងៃ​សៅរ៍នេះ កីឡាករ​វ័យ ២៩ ឆ្នាំ​រូបនេះ​បាន​សារភាព ថា​គាត់​មាន​ការលំបាក​បន្តិច​ក្នុង​ការ​លេង​នៅ Manchester បន្ទាប់ពី​ចំណាយ​ពេល​បួន​ឆ្នាំ​នៅ Arsenal មក​។Sanchez បាន​ប្រាប់​ប្រព័ន្ធ​ផ្សព្វផ្សាយ​របស់​ឈីលី​នៅ​ប្រទេស​ស៊ុយ​អែត​ថា៖ «ដោយ​សារ​ខ្ញុំជា​មនុស្ស​មាន​ការទាមទារ​ចំពោះ​ខ្លួន​ឯង​ខ្ពស់ ខ្ញុំ​រំពឹង​ថា​អ្វីៗ​នឹង​បាន​ប្រសើរ​ជាង​នេះ​»។

    Image result for Alexis Sanchez

    «បន្ទាប់​ពី​ខ្ញុំ​បាន​មក​កាន់ Man United វាពិត​ជា​លំបាក​ណាស់​ក្នុងការ​ផ្លាស់​ប្តូរ​អ្វីៗ​គ្រប់​យ៉ាង យ៉ាង​ឆាប់​រហ័ស​នោះ​។ ហើយ​សូម្បី​តែ​មក​កាន់​ទី​នេះ ខ្ញុំ​ក៏​មាន​ការ​ស្ទាក់​ស្ទើរ​ដែរ (ប្រទេស​ស៊ុយ​អែត)»។
    «ការ​ផ្លាស់ប្តូរ​ក្លឹប​គឺ​ជា​រឿងមួយ​ដែល​មាន​ការលំបាក​ខ្លាំង​ណាស់។ វាជា​លើក​ដំបូង​ដែល​ខ្ញុំបាន​ប្តូរក្លឹប​កាល​ពី​ខែ​មករា​នេះ ប៉ុន្តែ​មាន​រឿង​ជា​ច្រើន​បាន​កើត​ឡើង​នៅ​ក្នុង​ជីវិត​ខ្ញុំ ដែលមាន​លក្ខណៈ​លំបាក​»។

    Related image

    ជម្រើស​ជាតិ​ឈីលី​នឹង​មិនបាន​ទៅ​ប្រទេស​រុស្ស៊ី​ដើម្បី​ចូល​រួមការ​ប្រកួត World Cup នៅ​រដូវក្តៅ​នេះ​ទេ បន្ទាប់ពី​ពួកគេ​មិន​អាច​ឆ្លង​ផុត​វគ្គជម្រុះ​ហើយ Sanchez បាន​និយាយ​ថា ដំបូង​ឡើយ​គាត់​មិនចង់​ចូលរូម​ការប្រកួត​ជាមួយ​ស៊ុយ​អែត​ទេ ប៉ុន្តែ​គាត់​បាន​ប្តូរចិត្ត​វិញ បន្ទាប់​ពីបាន​និយាយ​ជា​មួយ​ប្រធាន​ក្រុម​ជម្រើស​ជាតិ​ឈីលី និង​អ្នក​ចាំ​ទី Claudio Bravo រួច​មក​។

    Image result for Alexis Sanchez

    គាត់​បាន​និយាយ​ថា៖ «ខ្ញុំ​បាន​សុំការ​អនុញ្ញាត​មិន​ចូល​រួមការ​ប្រកួត​ទាំង​នេះ ប៉ុន្តែ​បន្ទាប់​មកខ្ញុំ​បាន​គិត​ឡើង​វិញ​ម្តង​ទៀត និង​បាន​និយាយ​ជា​មួយ Claudio ហើយ​ប្រាប់​គាត់​ថា យើងទាំងអស់​គ្នា​គួរតែ​រួបរួម​គ្នា​ធ្វើ​ការ​ប្រកួត​»។

    ដោយ៖ Dara Hunii 

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី