ឥណ្ឌូនេស៊ីគួរយកគម្រូតាមលីគនៅថៃ និង​ម៉ាឡេស៊ី​ដែល​ទិញ​កីឡាករមកពីតំបន់អាស៊ាន​ដូចជាកម្ពុជា និង​មីយ៉ាន់ម៉ា

21878
  • John Duerden ជឿ​ថា​ Liga 1 របស់​ឥណ្ឌូនេស៊ី​អាច​នឹង​ទទួល​ផល​ប្រយោជន៍​ពីការ​ដាក់​ចេញ​ច្បាប់​​ទិញកីឡាករ​បរទេស​មក​តំបន់​អាស៊ាន និង​​ការ​ចូល​​ក្នុង​ទីផ្សារកីឡាករនៃប្រទេស​មីយ៉ាន់ម៉ា និង​កម្ពុជា។

    ទោះ​បីជា​យើង​មិន​ច្បាស់​ទៅលើការ​បញ្ចេញ​មតិរបស់លោក Edy Rahmayadi ប្រធាន​ PSSI (សមាគមបាល់ទាត់​នៃ​ឥណ្ឌូនេស៊ី) ដែល​ចោទ​សួរ​​កីឡាករ​ឥណ្ឌូនេស៊ី​ដែល​ត្រៀម​ចាកចេញទៅលេង​នៅ​ក្រៅ​ប្រទេសក៏ដោយ ក៏​មិន​ធ្លាប់​មាន​កីឡា​ករ​ច្រើ​បែបនេះ​ដែល​ចេញទៅលេង​នៅអាស៊ីទេ​។

    ប្រការនេះ​នឹង​ជួយ​ឲ្យ​បាល់​ទាត់​ឥណ្ឌូនេស៊ី​មាន​ការរីកចម្រើន​រយៈពេលយូរអង្វែង។

    មានការចាប់​អារម្មណ៍​ខ្លាំង​លើ​ការ​ចាកចេញ​របស់ Envan Dimas និង Ilham Udin ពី​ក្លឹប​ជើងឯក Liga 1 Bhayangkara ទៅ​លេង​ឲ្យ​ក្លឹប Selangor នៅម៉ឡេស៊ី។ គេ​មើល​ឃើញ​ថា​នេះ​គឺ​ជាការ​បាត់​បង់​មួយ​ដ៏​ធំធេង​សម្រាប់​ក្លឹប Bhayangkara ហើយ​អ្នក​គាំទ្រ​មាន​ការ​សោកស្តាយ​ដែល​ពួកគេ​លែង​មាន​​ឱកាស​ឃើញ​កីឡាករ​ក្នុង​ឌួង​ចិត្តទៀតឡើយ។

    ពិភពបាល់​ទាត់​គឺ​អញ្ចឹងឯង។ មិន​ចាំបាច់​និយាយ​ដល់ថា​កីឡាករ​ទាំងពីរ​នោះអាច​ធ្វើ​ឲ្យ​ទម្រង់​លេង​របស់គេ​ប្រសើរឡើងនៅ​ពេល​ដែលពួកគេលេង​ឲ្យ​យក្សក្រហមនៅម៉ាឡេស៊ីនោះទេ បើ​មើ​តែកម្រិត​បាល់​ទាត់​ក្នុងលីគកំពូល​ម៉ាឡេស៊ី​គឺ​មាន​លក្ខណៈ​ខ្ពស់​ជាង​លីគ​នៅ​ឥណ្ឌូ​នេស៊ីដាច់។ ក្លឹប​ Selangor ជាក្លឹប​ដ៏​ធំបំផុត​ក្នុង​តំបន់​អាស៊ី​អាគ្នេយ៍បើ​ប្រៀប​ធៀប​ជាមួយ Bhayangkara ដែល​បាន​ធ្វើ​ឲ្យភ្ញាក់ផ្អើលដល់​មនុស្សជាច្រើន​ដោយ​ពួកគេ​អាច​ឈ្នះ​ជើង​ឯក​កាល​ពី​រដូវ​មុន។

    ប្រសិន​អ្នកទាំងពីរ​​បញ្ចេញសមត្ថភាព​បាន​ល្អ​នៅក្នុងក្រុមថ្មី​របស់ពួកគេ នោះ​វា​នឹង​ក្លាយ​ជា​ឱកាស​មួយ​សម្រាប់​កីឡា​ករ​វ័យ​ក្មេង​ជំនាន់​ក្រោយ​ក្នុង​ការ​ទៅលេង​នៅក្រៅ​ប្រទេស ព្រោះ​ការ​វា​ការ​ពិត​ជាក់​ស្តែង​ដែល​កីឡាករ​ម្នាក់​ៗ​នឹង​មាន​ភាព​រីក​ចម្រើន​ជាងមុន​នៅ​ពេល​ដែលពួកគេ​អាច​ទៅ​លេង​នៅក្រៅ​ប្រទេស។ អ្វី​ទាំងឡាយ​ដែល​ពួកគេ​នឹង​ជួប​ប្រទះ​លើ​ទីលាន​ គឺសុទ្ធ​សឹឹង​ជាឧបសគ្គនាំ​ឲ្យ​ពួកគេ​ព្យាយាមយក​ឈ្នះ​ឲ្យ​បាន។

    Image result for Ferdinand Sinaga

    កីឡារករ Ferdinand Sinaga សញ្ជាតិ​ឥណ្ឌូនេស៊ី​គឹមានបទពិសោធន៍​ច្រើនលើសលុប។ គាត់​ធ្លាប់​រកគ្រាប់​បាល់​ឲ្យ PSM Makassar បានដល់ ២២គ្រាប់​កាលពីឆ្នាំមុន។ តែ​ឥឡូវ​នេះ​គាត់លេង​ឲ្យ Kelantan ។ កីឡាករនេះនឹង​អាច​ជួយក្រុម​ឲ្យ​ក្លាយ​ជា​ក្រុម​ដ៏​ធំបំផុត​ក្នុង​តំបន់​ ដែល​នឹង​អាច​ទៅរក​ភាពខ្លាំង​របស់ខ្លួន និង​វិលទៅរក​សម័យកាល​ខ្លាំង​ខ្លាវិញ។

    មាន​កីឡាករ​ផ្សេង​ទៀ​ត​ដែល​នឹង​ត្រូវ​ទៅ​ប្រទេសថៃ។ មាន​ការ​ចាប់​អារម្មណ៍​យ៉ាងខ្លាំងលើកីឡាករ Terenus Puhiri នៅ Port។ កីឡាករ​វ័យ ២១ ឆ្នាំ​រូប​នេះទទួលបានភាព​ល្បីល្បាញ​ទូទាំងពិភពលោក។​ គាត់​នឹងមាន​ឱកាស​ច្រើន​ក្នុង​ការ​ពង្រឹង​សម្ថភាព​បន្ថែម។

    កូតា​តំបន់​អាស៊ាន​ដែល​ថៃ និង​ម៉ាឡេស៊ី​បាន​កំណត់​កម្រិត​ខុសៗគ្នានៃលីគ។ ពួកគេ​អាច​នាំ​កីឡាករ​ចូលពី​ក្នុងតំបន់​ ដែល​​នឹង​បន្ថែម​ចំណាប់អារម្មណ៍ដោយឯកឯងពី​បរទេស។

    ឥណ្ឌូនេស៊ី​គួ​រធ្វើតាម​លីគដ៏ទៃ ដែលលីគភាគច្រើន​ប្រើ​ក្បួន ៣+១ ពោលគឺក្លឹប​អាច​មានកីឡាករបរទេស​ ៤នាក់ ដែល​បីនាក់​អាចយកពីណាក៏បាន តែ​ម្នាក់​ទៀត​គឺ​បម្រុង​ទុកសម្រាប់​តំបន់អាស៊ី។ ចំណែកឯកថៃ និងម៉ាឡេស៊ីវិញ គេប្រើ​ក្បួន ៣+១+១ ដោយ​មួយ​ដែល​បន្ថែម​ចុង​ក្រោយ​នោះ​គឺ​សម្រាប់​កីឡាករមកពីតំបន់​អាស៊ាន។

    ក្នុង​ពេល​បច្ចុប្បន្ននេះ ឥណ្ឌូនេស៊ី​មាន​ត្រឹមតែ​កូតា​តំបន់​អាស៊ី​ប៉ុណ្ណោះ។

    បច្ចុប្បន្ន​កីឡាករ​បរទេស​ដែល​មានទេពកោសល្យ​ គឺមក​ពីប្រទេស​ដូចជា តួកម៉េនីស្ថាន តាហ្ស៊ីគីស្ថាន និងកៀហ្ស៊ីស៊ីស្ថាន ក្រៅ​ពីនោះមាន​ក៏​មានកីឡាករមកពីប្រទេស នេប៉ាល់ អូស្ត្រាលី​ និង​កូរ៉េ។

    Image result for liga1 Indonesia

    ឥណ្ឌូនេស៊ី​មិន​គួរ​បញ្ឈប់​ត្រឹមនេះទេ គេគួរតែ​ដើរ​តាម​លម្អាន​របស់​លីគថៃ និង​លីគ​ម៉ាឡេស៊ី ដែល​បង្កើត​ឲ្យ​មាន​កូតា​អាស៊ាន​។ វាគ្មាន​ហេតុផលអ្វី​ទេ​ដែល​ក្រុម​មក​ពីលីគឥណ្ឌូនេស៊ី​មិន​អាច​ទិញ​កីឡាករ​មកពី មីយ៉ាន់ម៉ា កម្ពុជា ឡាវ និង​កន្លែង​ដទៃ​ទៀត​នោះ​ទេ។ ឥណ្ឌូនេស៊ី​គឺ​ជាប្រជាជាតិមួយធំជាងគេក្នុង​តំបន់ផ្នែក​បាល់​ទាត់ ហើយ​ពួក​គេ​គួតែ​ធ្វើ​អ្វី​មួយ​ដើម្បី​ឲ្យ​ស័ក្តិ​សម​ជា​លីគ​តំណាង​ប្រទេស​នៅ​តំបន់​អាស៊ាន។

    ខណៈពេល​ដែលអ្នក​គាំទ្រក្នុងប្រទេស​ឥណ្ឌូ​នេស៊ី​កំពុ​ង​តាម​ដាន​សកម្មភាព​តារាបាល់ទាត់​របស់ពួកគេ​ដែល​ចេញ​ទៅ​លេង​នៅ​ក្រៅ​ប្រទេស អ្នកគាំទ្រ​នៅ​កន្លែង​ផ្សេង​ទៀត​កំពុង​តាម​មើល​លីគ​ឥណ្ឌូនេស៊ី។ អ្នកគាំទ្រ​នៅមីយ៉ាន់​ម៉ា​មាន​ក្តី​រំភើប​ដែល​បាន​ឃើញ​តារាបាល់ទាត់​របស់ពួកគេទៅលេង​នៅថ្ងៃ ហើយ​ក៏​មិន​ខុស​គ្នាចំពោះ​អ្នកគាំទ្រកម្ពុជា​ដែល​កំពុង​តាម​ដាន​លីគ​ម៉ាឡេស៊ី​ដែរ។ ហើយ​អារម្មណ៍​បែបនេះ​ក៏​អាច​កើត​មាន​សម្រាប់​ប្រទេស​ទាំងពីរនេះដែរ​ ប្រសិន​បើ​មាន​កីឡាករ​ជម្រើស​ជាតិ​របស់​គេ​ទៅ​លេង​នៅ​ចាហ្វា ឬ​ស៊ូម៉ាត្រាដែរនោះ។

    ការទិញ​កីឡាករពីតំបន់អាស៊ាន​គឺ​មិន​ចំណាយប្រាក់​ច្រើន គ្មានហានិភ័យ ព្រមទាំង​ទទួល​បាន​សក្តានុពលអស្ចារ្យ​ថែម​ទៀត​។ ដូច្នេះ​ឥណ្ឌូនេស៊ី​គួរ​តែ​ពិចារណា។

    ដោយ៖ តារា

    ប្រភព :
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី