ពិតជារំភើបណាស់!! ពេលឃើញ «គុនខ្មែរ» ត្រូវបានសង្វៀនកំពូលនៅអាស៊ី ONE Champions ទទួលស្គាល់

21246
  • ស្ថាប័នប្រដាល់ដ៏ធំនៅ អាស៊ី ONE Champions បានបង្ហាញ ស្លាកសញ្ញាមួយដែលបញ្ជាក់ថា ខ្លួនជាស្ថាប័នប្រមូលផ្តុំក្បាច់គុនទូទាំង អាស៊ីនិង ពិភពលោក។ សង្វៀនប្រដាល់មួយនេះមានកីឡាករ កីឡាការិនីល្បីៗ លំដាប់ពិភពលោក មកពីគ្រប់តំបន់។

    ក្នុងស្លាកសញ្ញាផ្សព្វផ្សាយនេះ ONE Champions បានបង្ហាញក្បាច់គុន ជាច្រើនប្រភេទដែលបានបង្ហាញស្នៀតប្រយុទ្ធឱ្យពិភពលោកបានស្គាល់ដូចជា៖

    •     គុន​ចម្រុះ (Mixed Martial Arts)​
    •     គុន​ខ្មែរ (Kun Khmer)​ ក្បាច់​គុន​របស់​កម្ពុជា
    •     ប្រដាល់​សេរី (Kickboxing)​
    •     ឡេតវី (Lethwei)​ ក្បាច់​គុន​របស់​ប្រទេស​មីយ៉ាន់ម៉ា
    •     សាន់ដា (Sanda)​ ក្បាច់​គុន​របស់​ប្រទេស​ចិន
    •     យូដូ (Judo)​ ក្បាច់​គុន​របស់​ប្រទេស​ជប៉ុន
    •     ការ៉ាតេ (Karate)​ ក្បាច់​គុន​របស់​ប្រទេស​ជប៉ុន
    •     កុងហ្វូ (Kung Fu)​ ក្បាច់​គុន​របស់​ប្រទេស​ចិន
    •     មួយ​ថៃ (Mauy Thai)​ ក្បាច់​គុន​របស់​ប្រទេស​ថៃ
    •     តេក្វាន់ដូ (Taekwando)​ ក្បាច់​គុន​របស់​ប្រទេស​កូរ៉េ
    •     ក្បាច់​ឃ្លេ​ (Submission Grappling)

    ជុំ​វិញ​ស្លាក​សញ្ញា​ដែល​ ONE បង្ហាញ​នេះ ត្រូវ​លោក​ ហ៊ុន ច័ន្ទរាជ គ្រូ​ប្រដាល់​គុន​​ខ្មែរ​ម្នាក់​បាន​បង្ហាញ​ទស្សនៈ​ ផ្ទាល់​ខ្លួន​លើ​ Facebook ថា៖ ” នេះជាអ្វីដែលខ្ញុំបានកំពុង ធ្វើជាអ្វីដែលខ្ញុំលះបង់ជីវិតសាមញ្ញរបស់ខ្ញុំ ជាអ្វីដែលខ្ញុំបានឃ្លាតឆ្ងាយ ពីគ្រួសារជាមូលហេតុដែលខ្ញុំចេញពីផ្ទះ ៨ ឆ្នាំកន្លងមកហើយ … គឺដើម្បីមួយនេះ! ចំពោះ«គុនខ្មែរ» ត្រូវបានពិភពលោកទទួលស្គាល់! នេះជាមោទនភាពមួយសម្រាប់ខ្ញុំ និងសម្រាប់ប្រជាជនកម្ពុជាទាំងអស់គ្នា ” ៕

    ដោយ៖​ សុខះ

  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី