តារាសម្ដែង​ ​តុប​ ​វិសាល​ បាន​ប្រកាស់បញ្ចប់​អាជីព​សិល្បៈ ដោយសារតែលោកបានចូលរោងការ!!

16620

​គ្រាន់តែ​រៀបការ​មិនទាន់​បាន​ប៉ុន្មាន​ផង​ ពេលនេះ​តារា​សម្តែង​នៅក្នុង​រឿង​ «មុខកាំបិត​មុខ​ស្នេហ៍​» ​បាន​ប្រកាស​បញ្ចប់​អាជីព​សិល្បៈ ​ដែល​ធ្វើ​ឱ្យ​អ្នកគាំទ្រ​មានការ​សោក​ស្តាយ​ជា​ខ្លាំង​ ​។​ ​មានការ​សង្ស័យ​ថា​ មូល​ហេតុ​​ ​តុប​ ​វិសាល​ ​ចាកចេញ​ពី​ការ​សម្តែង​ដោយសារ​ខ្លាច​ភរិយា​ប្រចណ្ឌ​ទេ​ដឹង​ ​។​

យ៉ាងណា​ការ​ចាកចេញ​ពី​សិល្បៈ​របស់​លោក​ ​តុប​ ​វិសាល​ ​ត្រូវ​បាន​គេ​ដឹង​ថា ​ដោយសារ​លោក​ជាប់​​ទៅ​បន្ត​ការសិក្សា​នៅ​បរទេស​ ​តែ​លោក​មិនបាន​បញ្ជាក់​ថា ទៅ​ប្រទេស​ណា​នោះ​ទេ​ ​។​ ​តារា​សម្តែង​រូប​​សង្ហា​នេះ​បាន​បញ្ជាក់​ថា ​នៅតែ​ស្រឡាញ់​សិល្បៈ ​បើ​មានឱកាស​លោក​នឹង​ត្រលប់​មក​ចាប់​អាជីព​នេះ​ជាថ្មី​ម្តង​ទៀត​ ​។​ ​មុន​នឹង​បញ្ចប់​ការ​សម្តែង​លោក​ ​តុប​ ​វិសាល​ ​បាន​បន្សល់​នូវ​រឿង​ចុងក្រោយ​គឺ​រឿង​ ​«សន្យា​» ​ដែល​លោក​សង្ឃឹមថា​នឹង​ទទួល​បានការ​គាំទ្រ​ពីសំណាក់​មហាជន​ ​។​

បើ​គិត​មកដល់ពេលនេះ​តារាសម្ដែង តុប​ ​វិសាល​ ​បាន​ចូលរួម​សម្តែង​រឿង​បាន​ជាច្រើន​រឿង​មក​ហើយ ដែល​មាន​ទាំង​​តួឯក​ និង​ តួរង​ ​។​ ​រឿង​ដែល​ធ្វើ​ឱ្យ​លោក​ទទួល​បានការ​ចាប់អារម្មណ៍​ខ្លាំង​គឺ​ភាពយន្ត​ខ្លី​រឿង «​បងប្អូន​»​ និង​ ​«មុខកាំបិត​មុខ​ស្នេហ៍​» ដែល​កំពុង​បញ្ចាំង​នៅ​ទូរទស្សន៍​បាយ័ន​ ​។​ ​ស្រប​ពេល​ប្រជាប្រិយ​ភាព​កំពុង​លេចធ្លោ​តារា​សម្តែង​ ​តុប​ ​វិសាល​ ​បានសម្រេច​ចិត្ត​រៀប​អាពាហ៍​ពិពាហ៍​ជាមួយ​កូនក្រមុំ​ដ៏​ស្រស់​ស្អាត​ម្នាក់​នៅ​ខេត្ត​កំពង់ឆ្នាំង​កាលពី​ចុងខែ​ឧសភា​កន្លងទៅ ​ដែលធ្វើឱ្យប្រិយមិត្តនារីជាច្រើនខកចិត្តមិនស្ទើរទេ ៕

 

ដោយ៖ សុខះ

ភ្ជាប់ទំនាក់ទំនងជាមួយ Merl Plus
  • អត្ថបទថ្មី