ក្រុមហ៊ុន Vingroup​ របស់វៀតណាម បានសង់រោងចក្រផលិតស្មាតហ្វូនទី២ ដែលអាចផលិតច្រើនជាងមុនរហូតទៅដល់២៥ដង!!

29904
  • ក្រុមហ៊ុន Vingroup របស់​ប្រទេស​វៀតណាម បាន​ចាប់ផ្តើម​ដំណើរការ​សាងសង់​រោងចក្រ​ផលិត​ស្មាតហ្វូន​ទី២ របស់​ខ្លួន ដែល​មាន​សមត្ថភាព​អាច​ផលិត​ម៉ាក​ទូរស័ព្ទ​ជា​សកល ។

    រោងចក្រ​ទំហំ ១៥ហិកតា នៅ​ក្នុង​ឧស្យាន Hoa Lac Hi-Tech Park ស្ថិត​នៅ​ភាគ​ខាងលិច​នៃ​ទីក្រុង​ហាណូយខាង​លើ អាច​ផលិត​ទូរស័ព្ទ​បាន​រហូត​ដល់​ទៅ ២៣លាន​គ្រឿង​ក្នុង​មួយ​ឆ្នាំ នៅ​ពេល​សាងសង់​រួចរាល់​ក្នុង​ដំណាក់កាល​ទី​មួយ​នៅ​ខែ​សីហា ។ នៅ​ពេល​សាងសង់​រួចរាល់​ជា​ស្ថាពរ រោងចក្រ​នេះ​នឹង​អាច​ផលិត​បាន​រហូត​ដល់​ទៅ ១២៥លានគ្រឿង ពោល​គឺ​ច្រើន​ជាង ២៥ ដង​នៃ​រោងចក្រ​ដែល​មាន​ស្រាប់​នៅ​ទីក្រុង Hai Phong ។

    គួរឱ្យដឹងថា៖ រោងចក្រ​នោះ​នឹង​ប្រើ​គ្រឿងយន្ត​កម្រិត​អតិបរមា ដើម្បី​កាត់បន្ថយ​កំហុស​ឆ្គង​របស់​មនុស្ស ។ សូម​បញ្ជាក់​បន្ថែម​ថា ទូរស័ព្ទ​ដៃ​ស្មាតហ្វូន​របស់​ក្រុមហ៊ុន Vingroup គឺ Vsmart មិនមែន​ជា​ទូរស័ព្ទ​តែ​មួយ​ម៉ាក​គត់ ដែល​នឹង​ត្រូវ​ផលិត​នៅ​រោងចក្រ​ខាង​លើ​ឡើយ ។ ថ្វី​បើ​ទើបតែ​ចាប់ផ្តើម​សាងសង់​រោងចក្រ ប៉ុន្តែ​ប្រធាន​ប្រតិបត្តិ​ក្រុមហ៊ុន Vingroup លោក Nguyen Viet Quang បានឱ្យដឹងថា៖ ក្រុមហ៊ុន​ទទួល​បាន​កុងត្រា​ដើម្បី​ផលិត​ទូរស័ព្ទ​ឱ្យ​ក្រុមហ៊ុន​ធំៗ​នៅ​អឺរ៉ុប និង សហរដ្ឋអាមេរិក​រួច​ទៅ​ហើយ ៕

    ដោយ៖ សុខះ

  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី