គ្រូបង្វឹកធំរបស់ក្រុមជម្រើសជាតិអាហ្សង់ទីន លោក Jorge Sampaoli បានអះអាងថាកីឡាករ Messi ទទួលរងឥទ្ធិពលអវិជ្ជមានដោយសារសម្ពាធឲ្យគាត់ត្រូវតែយកឈ្នះ World Cup ឲ្យខាងតែបាន។
ការដកស្រង់ចេញពីសៀវភៅដែលសរសេរដោយអ្នកគ្រប់គ្រង ដែលបានកំណត់ចេញផ្សាយជាសាធារណៈនៅខែមេសាខាងមុខនេះ ត្រូវបានបោះពុម្ពនៅ Viva ។ នៅក្នុងសម្រង់អត្ថបទនោះ Sampaoli បានលើកឡើងថា៖ «Messi ប្រៀបបីដូចជាត្រូវគេភ្ជង់ក្បាលនឹងកាំភ្លើងអញ្ចឹងសម្រាប់ World Cup ហើយប្រសិនបើគាត់មិនអាចយកឈ្នះបានទេ គាត់នឹងត្រូវគេបាញ់សម្លាប់ចោល។
«ជាលទ្ធផល កីឡាករនេះមានទុក្ខព្រោះតែទេពកោសល្យរបស់ខ្លួន។ អ្វីដែលយល់បានស្វែងយល់នោះគឺបរិយាកាសអវិជ្ជមានជំុវិញបាល់ទាត់អន្តរជាតិធ្វើឲ្យប៉ះពាល់ Messi »។
ទោះបីជាគាត់យល់ឃើញថាការនេះនឹងជួយឲ្យក្រុមខិតខំយ់ាងខ្លាំងដើម្បីទទួលបានជ័យជម្នះក្នុង World Cup នៅប្រទេសរុស្ស៊ីក្នុងឆ្នាំនេះក៏ដោយ ក៏លោក Sampaoli សារភាពថា Messi នៅតែជាក្តីសង្ឃឹមតែមួយគត់ ដោយជឿជាក់ថារូបគាត់ជាកីឡាករឆ្នើមបំផុត។អ្នកចាត់ការបាននិយាយ «នៅខណៈពេលនេះ ខ្ញុំមានអារម្មណ៍ថាខ្ញុំកំពុងបង្វឹកកីឡាករដែលល្អបំផុតក្នុងប្រវត្តិសាស្ត្រ ។ នេះគឺជាកីឡាករដែលអាចរក្សាទម្រង់លេងបានល្អលំដាប់ពិភពលោកជាង ១០ឆ្នាំមកហើយ។ វាជាការលំបាកក្នុងការរិះរកវិធីគ្រប់គ្រងនៅពេលដែលកីឡាករមួយរួបមានសមត្ថភាពខ្លាំងលើសគេទៅហើយនោះ »។
ក្រុមអាហ្សង់ទីនស្ថិតក្នុងពូល D សម្រាប់ព្រឹត្តិការណ៍ World Cup ដោយត្រូវប៉ះជាមួយអ៊ីស្លង់ ក្រូអាត និងនីហ្សេរីយ៉ា ៕
ដោយ៖ Dara Hunii
