Sergio Aguero៖ ខ្ញុំ​ចង់​ត្រឡប់​ទៅកាន់​ក្លឹប Independiente វិញ

9553
  • Sergio Aguero ខ្សែ​ប្រយុទ្ធ​របស់ Manchester City បាន​និយាយ​ថា គាត់​ចង់​វិល​ត្រឡប់​ទៅកាន់​ក្លឹប​ដំបូង​របស់​គាត់​នៅ​អាហ្សង់ទីន​វិញ នៅពេល​ចប់​កុងត្រា​ជា​មួយ Man City នៅ​ឆ្នាំ ២០២០។

    Image result for Sergio Aguero

    Aguero ដែល​បាន​អវត្តមាន​ក្នុងការ​ប្រកួត​មិត្តភាព​ជាមួយ​អ៊ីតាលី​កាល​ពី​សប្តាហ៍​មុនដោយសារ​បញ្ហា​របួស​នោះ បច្ចុប្បន្ន​នេះ​នៅ​ជាប់​កុងត្រា​រយៈពេល​ពីរ​ឆ្នាំ​ទៀត​ជាមួយ​ក្លឹប ហើយ​គាត់​ទំនង​ជា​មិន​បន្ត​កុងត្រា​ថ្មី​ទេ ​។ ខ្សែ​ប្រយុទ្ធ​មាឌតូច​រូបនេះ​កំពុងតែ​ធ្វើការ​ហ្វឹក​ហាត់​ជាមួយ​ក្រុម​ជម្រើស​ជាតិ​របស់​គាត់ នៅមុន​ការ​ប្រកួត​នៅ​ថ្ងៃ​អង្គារ​ជាមួយ​អេស្ប៉ាញ​។

    Image result for Sergio Aguero

    គាត់​បាន​មក​លេង​នៅ​ក្លឹប​នេះ​ចាប់តាំង​ពី​ឆ្នាំ ២០១១ បន្ទាប់​ពី​ចាកចេញ​ពី​ក្លឹប​នៅ​អេស្ប៉ាញ Atletico Madrid និង​ស៊ុត​បញ្ចូល​ទី​បាន​ចំនួន ២១ គ្រាប់ នៅក្នុង​យុទ្ធនាការ​នៃ​ការ​ប្រកួត​ក្នុងលីគ​ដ៏​ជោគជ័យ​នៅ​រដូវកាល​នេះ​។ កីឡាករ​វ័យ ២៩ ឆ្នាំ​រូបនេះ​បាន​ក្លាយ​ទៅ​ជា​តារា​ឆ្នើម​ដ៏​សំខាន់​នៅ City ដោយ​បាន​ដើរ​តួនាទី​យ៉ាង​សំខាន់​ក្នុងការ​ជួយ​ឲ្យ​ក្លឹប​លើកពាន​ក្នុង​លីគ​នៅ​ឆ្នាំ ២០១២ និង​ឆ្នាំ ២០១៤។

    Image result for Sergio Aguero Independiente

    តាមបទសម្ភាសន៍ជាមួយ  Fox Sports នៅ​អាហ្សង់ទីន​កីឡាកររូបនេះថា៖ «ខ្ញុំ​តែងតែ​និយាយ​ថា ខ្ញុំ​ចង់​ត្រឡប់​ទៅកាន់​ក្លឹប Independiente វិញ នៅពេល​ដែល​កុងត្រា​របស់​ខ្ញុំ​ត្រូវ​បាន​បញ្ចប់​ជាមួយ​នឹង​ក្លឹប​នៅឆ្នាំ ២០២០។ ប៉ុន្តែ ខ្ញុំ​មិន​គិត​ពី​រឿង​នេះ​ទេ​នៅ​ពេល​នេះ​ ។ ខ្ញុំ​កំពុង​ផ្តោត​លើការ​បញ្ចប់​រដូវ​កាល​នេះ​ដោយ​ភាព​ជោគជ័យ និង​ឆ្ពោះ​ទៅកាន់​ការ​ប្រកួត World Cup»៕

    ដោយ៖ Dara Hunii

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី