ក្រុមបាល់ទាត់ជម្រើសជាតិអាល្លឺម៉ង់ បានរងបរាជ័យលើកដំបូងក្នុងចំណោម ២៣ ប្រកួតចុងក្រោយ បន្ទាប់ពីចាញ់ប្រេស៊ីល ដោយលទ្ធផល ១ទល់នឹង០ ក្នុងជំនួបមិត្តភាពអន្តរជាតិ កាលព្រឹកយប់មិញនេះនៅទីក្រុងប៊ែកឡាំង។
នេះក៏ជាការប៉ះគ្នាលើកដំបូងចាប់តាំងពីព្រឹត្តិការណ៍ FIFA World Cup 2014 ដែលកាលណោះអាល្លឺម៉ង់ បានបំបាក់ម្ចាស់ផ្ទះប្រេស៊ីល ៧ទល់នឹង១ នៅវគ្គពាក់កណ្ដាលផ្ដាច់ព្រ័ត្រ។ ដោយឡែកនៅថ្ងៃអង្គារវិញ គ្រាប់ជ័យជម្នះរបស់ប្រេស៊ីល កើតឡើងដោយការតែតបញ្ចូលទីពីខ្សែប្រយុទ្ធវ័យក្មេង Gabriel Jesus របស់ក្លឹប Manchester City នៅនាទី៣៧ ។
ក្រុមម្ចាស់ផ្ទះអាល្លឺម៉ង់ក៏បានព្យាយាមសម្រុកវិញដែរ តែមិនបានសម្រេចដូចប្រាថ្នាឡើយ។ ជាក់ស្ដែង ការស៊ុតពី Toni Kroos នៅនាទី៩០ត្រូវបានអ្នកចាំទី Alisson សង្គ្រោះបាន ៕
តោះទៅទស្សនាវិដេអូ highlights ទាំងអស់គ្នា៖
ដោយ៖ Dara Hunii
