តារាចម្រៀងកូរ៉េកញ្ញា Goo Hara ទីបំផុតបានធូរស្បើយពីជំងឺដ៏កាចសាវនេះហើយ !!

86513
  • កាលពី​ខែ ឧសភា ​កន្លងមកនេះ ប្រិយមិត្ត​មិនតិច​ទេ ​ដែល​មានការភ្ញាក់ផ្អើល​នឹង​ព័ត៌មាន​ថា តារាចម្រៀង​កូរ៉េ នាង Hara បាន​ប៉ុន​ប៉ង​ធ្វើអត្តឃាត ។ ការប៉ុនប៉ង​ធ្វើអត្តឃាត​របស់​នាង ​បាន​កើតឡើង​ដោយសារតែ​នាង​កំពុង​ប្រឈមមុខ​នឹង​ជំងឺ​បាក់​ទឹកចិត្ត​យ៉ាងធ្ងន់ធ្ងរ តែ​ដោយ​សំណាងល្អ ការធ្វើអត្តឃាត​របស់​នាង​មិនបាន​សម្រេចឡើយ ​។

    ​ស្រាប់តែ​កាលពី​ព្រឹក​ថ្ងៃទី ១៧ ខែមថុនា នេះ នាង​បាន​បង្ហោះ​រូបថត​ពីរ​សន្លឹក​ក្នុង​គណនី ​Instagram របស់​នាង​។ នៅក្នុង​រូបថត​ទាំងពីរសន្លឹក​នោះ គេ​អាច​សង្កេត​ដឹងថា នាង Hara មាន​សភាព​គ្រាន់បើ​ជាង​មុន​ឆ្ងាយ ពីព្រោះ​បើ​មើល​តាម​រូបថត នាង​មាន​ស្បែក​ស្រស់ថ្លា ភ្ជាប់​ជាមួយ​ស្នាមញញឹម​ដ៏​ស្រស់ស្អាត​។ លើសពីនេះទៅទៀត ប្រិយមិត្ត​ជាច្រើន​បាន​ចូលទៅ Like និង ​comment លើកទឹកចិត្ត​នាង និង បង្ហាញ​ក្តី​ស្រឡាញ់​របស់​ពួកគេ​ទៅកាន់​នាង​បន្ថែម​ផងដែរ ។

    គួរបញ្ជាក់​ផងដែរ​ថា៖ នាង Goo Hara​បានបង្ហាញ​ខ្លួន​ជា​លើកដំបូង​ក្នុងនាម​ជា​សមាជិក​នៃ ក្រុម Kara របស់​ប្រទេស​កូរ៉េខាងត្បូង​នា​ឆ្នាំ ២០០៧​ តែ​ជា​អកុសល ក្រុម​Kara បាន​ចែកផ្លូវ​គ្នា​ជា​ផ្លូវការ​ កាលពី​ឆ្នាំ​២០១៦ ដែល​រឿងនេះ​ក៏​ជា​ចំណែក​មួយ​ធ្វើ​ឱ្យនាង Hara កើត​ជំងឺ​បាក់​ទឹកចិត្ត​ផងដែរ ៕

    ដោយ៖ សុខះ

  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី