Nacho Fernandez មិនយល់ទាល់តែសោះថាហេតុអ្វីក៏នៅតែមានការរិះគន់លើមិត្តរួមក្លឹបរបស់ខ្លួនគឺកីឡាករ Cristiano Ronaldo ដូច្នោះ។
តារាបាល់ទាត់សញ្ជាតិព័រទុយហ្គាល់បានទទួលរឿងច្របូកច្របល់ក្នុងរដូវកាលនេះ។ បើទោះបីជាគាត់រកគ្រាប់បាល់បានច្រើនស្ទើរគ្រប់ប្រកួតក៏ដោយ ពោលកឺរកបាន ២២គ្រាប់ក្នុង ២៣ប្រកួតនៅ La Liga គាត់នៅត្រូវបានព្យួរជើងមិនឲ្យចូលរួម ៥ប្រកួតដោយសារគាត់បានច្រានអាជ្ញាកណ្តាល ។
ជាងនេះទៅទៀត ក្លឹប Real Madrid កំពុងព្យាយាមតាមឲ្យទាន់ពិន្ទុ Barcelona ដែលមាន ១៥ពិន្ទុនាំមុខ។ ទោះជាយ៉ាងណាក្តី គេនៅតែមើលឃើញថាពុំទាន់មានកីឡាករណាដែលបញ្ចេញទម្រង់លេងល្អដូច Ronaldo នៅឡើយទេ។
កីឡាករសញ្ជាតិអេស្ប៉ាញវ័យ ២៨ឆ្នាំបានប្រាប់ Goal ថា “ខ្ញុំមិនយល់ទេថាហេតុអ្វីបានជាមនុស្សម្នាកៗអាចនឹងមានការសង្ស័យលើ Ronaldo ទៀតនោះ។ គាត់ជាកីឡាករមួយរូបដែលតែងនាំមកភាពខុសប្លែកមកឲ្យក្រុម។ គាត់អាចរកគ្រាប់បានច្រើនដែលកម្រឃើញកីឡាករណាអាចធ្វើបាននោះទេ” ។ ការតាំងចិត្តរបស់គាត់ចំពោះក្លឹបមួយនេះគឺ ១០០% ហើយខ្ញុំគិតថាមិនមានកន្លែងណាដែលល្អសម្រាប់ Ronaldo ជាងនៅ Real Madrid ទេ” ។
គាត់បាននិយាយថា៖ “យើងបានបញ្ចប់ការប្រកួតពេលក្រុមជម្រើសជាតិអេស្ប៉ាញប៉ះជាមួយអាល្លឺម៉ង់ ហើយពេលដឹងថាគាត់រកបានពីរគ្រាប់ នោះគឺជារឿងមួយដ៏ល្អអស្ចារ្យសម្រាប់ពួកយើង ហើយខ្ញុំសង្ឃឹមថារូបគាត់អាចរក្សាទម្រង់លេងដ៏ល្អនេះបានរហូតដល់ចប់រដូវកាល” ៕
ដោយ៖ Dara Hunii
