លេចរឿងរ៉ាវប្លែកៗ ៥ យ៉ាងក្រោយពី Lee Minho ត្រឡប់មកពីហាត់ទាហានវិញ !!

10515

គិត​មកដល់ពេលនេះ កំពូល​តារា​សម្ដែង​រូប​សង្ហា Lee Minho បាន​ត្រឡប់​មកពី​បំពេញ​តួនាទី​ធ្វើជា​ទាហាន​បម្រើ​ជាតិ​មួយរយៈ​មកហើយ ដោយ​ការវិលត្រឡប់​របស់​ប្រុស​ស្អាត​រូបនេះ បានធ្វើឱ្យ​នារីៗ​ជ្រួលជ្រើម​ស្ទើរ​ផ្អើល​មួយ​ចំហៀង​ពិភពលោក ។ យ៉ាងណាមិញ ទន្ទឹមនឹង​ការស្វាគមន៍​ការ​ត្រឡប់មកវិញ​នេះ Lee Minho ក៏ត្រូវ​បាន​មហាជន​ចាប់អារម្មណ៍​ឃើញ​ការ លោក​ហាក់​បង្ហាញ​ចរិតលក្ខណៈ​ប្លែកៗ មិន​ថា​កាយវិការ ឬ ​ការតុបតែង​ខ្លួន​នោះទេ ។

១- រូប​សម្រស់ ៖ មុខមាត់​របស់ Lee Minho គឺជា​អ្វីដែល​មហាជន​ចង់ឃើញ​បំផុត​ក្រោយ​លោក​ត្រឡប់​មកពី​ហាត់​ទាហាន​វិញ ។ មុខមាត់​កំលោះ​សង្ហា Lee Minho បច្ចុប្បន្ន ពិត​ជាមាន​ភាពខុសប្លែក​ពីមុន​បន្តិច​មែន ខណៈ​អ្នកគាំទ្រ​មួយចំនួន​លើកឡើងថា សម្រស់​លោក​ពីមុន​សង្ហា​ចាញ់​ពេលនេះ​ដាច់ ។

២- ការតុបតែង​ខ្លួន ៖ Lee Minho ហាក់​ប្ដូរ​ស្ទីល​ស្លៀកពាក់​ពី​ស៊ី​វិ​ល័យ​មក​ស្លៀក​រលុងៗ​ ដែល​មើលទៅ​លែង​សូវ​សង្ហា​គ្រប់ពេល​ដូច​កាលពីមុន​ទៀតហើយ ។​

៣- ចរិត និង កាយវិការ ៖ បើ​និយាយ​ដល់​ចរិត និង កាយវិការ​វិញ តារា​សម្ដែង​កូរ៉េ​រូបនេះ ហាក់​ចូលចិត្ត​លេងសើច​ជាង​មុន ដែល​បង្ហាញ​ពី​កាយវិការ​ក្រមិចក្រមើម​ដូច​កូនក្មេង​អ៊ីចឹង ។​

៤- មាន​សកម្មភាព​នៅលើ IG ខុសធម្មតា ៖ មានការ​កត់សម្គាល់ឃើញ​ថា ក្រោយ​ត្រឡប់​មកពី​ហាត់​ទាហាន​វិញ Lee Minho បាន​បង្ហោះ​រូបថត និង វីដេអូ​ស្ដែង​ពី​ជីវិត​ឯកជន​របស់លោក​នៅលើ​គណនី IG ញឹកញាប់​ប្លែក​ខុសធម្មតា ដែល​ពីមុនមក​លោ​កក​ម្រ​បង្ហោះ​សកម្មភាព​ឯកជន​ណាស់ ។

៥- រឿង​ចុងក្រោយ​ដែល​រំញោច​អារម្មណ៍​អ្នកគាំទ្រ​បំផុត​នោះ​គឺ លេចឮ​ដំណើរ​ថា Lee Minho បាន​ត្រូវ​រូ​វ​គ្នា​ជាមួយ​នាង សូ​ស៊ី ដែលជា​សង្សារ​ចាស់​ ប៉ុន្ដែ​ដំណើរ​នេះ​ភាគី​ទាំងសងខាង​នៅ​មិនទាន់​ចេញមុខ​បញ្ជាក់​ការពិត​នៅឡើយ ៕

ដោយ៖ សុខះ

ភ្ជាប់ទំនាក់ទំនងជាមួយ Merl Plus
  • អត្ថបទថ្មី