Paul Pogba បានទាត់បាល់ហ្វ្រីឃីគបំប៉ោងសំណាញ់បានយ៉ាងល្អ និងបានជួយឲ្យ Kylian Mbappe រកបានមួយគ្រាប់ក្នុងចំណោមគ្រាប់បាល់ទាំងពីររបស់គេផងដែរ ខណៈបារាំងបានយកឈ្នះលើរុស្ស៊ីក្នុងលទ្ធផល ៣-១ ក្នុងការប្រកួតមិត្តភាពអន្តរជាតិនៅទីក្រុង St. Petersburg កាលពីយប់ថ្ងៃអង្គារនេះ។
ខ្សែបម្រើរបស់ Manchester United គឺជាកីឡាករដែលលេចធ្លោម្នាក់នៅក្នុងការប្រកួតនេះ ដោយបានបង្កើតឱកាសដល់ Mbappe សម្រាប់គ្រាប់បាល់បើកឆាកនៅនាទីទី ៤០ តាមរយៈការបោះបាល់ទៅយ៉ាងស្អាត។ ក្រោយមក Pogba ក៏រកបានមួយគ្រាប់សម្រាប់ខ្លួនឯងផងដែរ បន្ទាប់ពីសម្រាកក្នុងតង់ទីមួយ តាមរយៈការទាត់បាល់ហ្វ្រីឃីគកោងចូលទីដែលមានចម្ងាយជិត ៣០ ម៉ែត្រពីបង្គោលទី។
កីឡាករវ័យ ២៥ ឆ្នាំរូបនេះមើលទៅហាក់ដូចជាកីឡាករម្នាក់ផ្សេងទៀត ដែលខុសប្លែកទាំងស្រុងពីកីឡាករដែលកំពុងតែត្រដាបត្រដួសនៅ Manchester United នៅរដូវកាលនេះ ហើយទម្រង់លេងរបស់គាត់បែបនេះពិតជាបានបញ្ឆេះកំហឹងដល់អ្នកគាំទ្រដែលចោទប្រកាន់គ្រូបង្វឹករបស់ក្រុមបីសាចក្រហម Jose Mourinho ថាមិនចេះប្រើប្រាស់ Pogba ឲ្យបានត្រឹមត្រូវ ៕
តោះទស្សនាវិដេអូអំពី Pogba ទាំងអស់គ្នា៖
ដោយ៖ Dara Hunii
