អតីត​គ្រូ​ពេទ្យ​​ Bayern ថា Pep មិនដែលខ្វល់ខ្វាយអំពីសុខភាព​របស់កីឡាករឡើយ

5372
  • អតីត​គ្រូ​ពេទ្យ​ប្រចាំ​ក្លឹប​ Bayern München លោក Hans-Wilhelm Muller-Wohlfahrt បាន​ចោទ​ប្រកាន់​លោក Pep Guardiola អតីត​គ្រូបង្វឹក​ក្លឹប​នេះ ថា​មិន​បាន​ខ្វល់​ខ្វាយ​ពី​សុខភាព​របស់​កីឡាករ និង​បាន​បដិសេធ​​រូបគាត់មិន​ឲ្យ​ពិនិត្យ​អ្នក​ជំងឺ។ Muller-Wohlfahrt បាន​ចាក​ចេញពី​ក្លឹប​នៅឆ្នាំ ២០១៥ ដោយ​បាន​ចោទ​លោក Guardiola ថា​បាន​ធ្វើ​ការ​ទម្លាក់​កំហុស​មក​លើ​ផ្នែក​គ្រូ​ពេទ្យ​ទាំង​ស្រុង​ដោយ​អយុត្តិធម៌​បន្ទាប់​ពីក្រុម​នេះ​ចាញ់ Porto ក្នុងលទ្ធផល ៣-១។

    Image result for Hans-Wilhelm Muller-Wohlfahrt

    លោកគ្រូពេទ្យ​បាន​ជម្រាប​ប្រាប់ ZDF ថា៖ “លោក Guardiola ពិត​ជា​មិន​អើ​ពើ​​ទាល់​តែសោះ​លើ​វីជា្ជជីវៈ​គ្រូពេទ្យ។ មិន​មែន​គ្រាន់​តែ​របួស​ជា​គឺ​សុទ្ធ​តែ​អាច​លេង​បាន​នោះ​ទេ យើង​ត្រូវ​ទុក​ពេល​វេលា​ខ្លះ​ឲ្យ​គាត់​ស៊ាំនឹង​បរិយាកាស​ក្រោយ​ជាពីរបួស។ និយាយ​រួម​ទង្វើ​នេះគឺ​ប្រឆាំង​នឹង​ទស្សនៈវិជ្ចា​របស់ខ្ញុំ​ទាំងស្រុង។ គាត់​បន្ទាប​វិជ្ជាជីវៈ​របស់ខ្ញុំ ហើយ​ចង់​មក​បញ្ជា​លើ​ខ្ញុំ​ថែម​ទៀត”។

    Image result for Guardiola

    “គាត់​មាន​ភាពជឿជាក់​លើក​ខ្លួន​ឯង​ជ្រុល​ពេក ហើយ​គិត​ថា​ខ្លួន​ឯង​ដឹង​នូវ​រឿង​គ្រប់​យ៉ាង​ច្រើន​ជាង​អ្នក​ដទៃ។ ទោះ​យ៉ាង​ណា​ខ្ញុំ​ក៏​ជា​បុគ្គល​ម្នាក់​សំខាន់​ដែរ​ក្នុង​ក្លឹប។
    គាត់​អាច​នឹង​ទ្រាំ​ពុំ​បាន​ពេល​ដែល​ខ្ញុំ​សម្តែង​អាកប្បកិរិយា​ស្មើគាត់ ពោលគឺ​គាត់​ចង់​ឲ្យ​ខ្ញុំ​នៅ​ទាប​ជាង​គាត់​ ដូច្នេះ​ទើប​គាត់​ប្រើ​គ្រប់ វិធី​ដើម្បី​ទម្លាក់​ជំនាញ​របស់ខ្ញុំ”។

    Image result for Guardiola

    គួរបញ្ជាក់​ផងដែរថា Guardiola មិន​មែន​ជា​អ្នកចាត់​ការ​ក្លឹប​តែ​ល្បី​ខាង​មិន​យក​ចិត្ត​ទុកដាក់​នឹង​របាយ​ការណ៍​សុខភាព​តែឯង​នោះទេ ក្នុង​គ្រា​នោះ Jose Mourinho ក៏​មាន​រឿង​អាស្រូវ​ដូចគ្នា​នេះដែរ​ជាមួយ​គ្រូពេទ្យ Eva Carneiro ។ ការ​ចោទ​ប្រកាន់របស់ Muller-Wohlfahrt បាន​ឆ្លុះ​បញ្ចាំង​ថា​ទំនាក់​ទំនង​រវាង​បុគ្គលពីរនាក់​ ដែល​ម្នាក់គិត​រឿង​ចាញ់​ឈ្នះ ឯម្នាក់​ទៀត​ត្រូវ​គិត​លើ​សុខភាព និង​សុវត្ថិភាព​របស់កីឡារ គឹ​មាន​ភាព​ផុយ​ស្រួយ​ងាយ​នឹង​ប្រេះឆា​ណាស់ ៕

    ដោយ៖ Dara Hunii

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី