កប់ណាស់!! ក្រុមហ៊ុនហូឡង់មួយ បញ្ចេញរថយន្តអគ្គីសនីប្រើដំបូលសូឡា ដែលសាកពេញម្ដងជិះបាន ៧២៥ គ.ម

19398
  • ក្រុមហ៊ុនផលិតរថយន្តរបស់ប្រទេសហូឡង់ Lightyear បានដាក់បង្ហាញរថយន្តអគ្គិសនីថ្មីរបស់ខ្លួន ដែលមានឈ្មោះថា Lightyear One ។ ក្រុមហ៊ុននេះគ្រោងចាប់ផ្តើមផលិត Lightyear One នៅក្នុងឆ្នាំ ២០២១ ដោយមានចំនួនកំណត់ត្រឹមតែចំនួន ៥០០ គ្រឿងប៉ុណ្ណោះ ។

    បើទោះបីជា Lightyear One ដែលនៅសល់ពេលប៉ុន្មានឆ្នាំទៀត មុនពេលចូលសង្វាក់ផលិតកម្ម ប៉ុន្តែក្រុមហ៊ុនខាងលើបានបង្ហាញសមត្ថភាពរបស់វារួចទៅហើយ ដោយវាអាចបើកបរបានចម្ងាយរហូតដល់ទៅ ៧២៥ គីឡូម៉ែត្រឯណោះ រាល់ពេលសាកភ្លើងពេញម្តង ។ មិនតែប៉ុណ្ណោះ ដំបូល និង ដំបូលម៉ាស៊ីនរថយន្ត Lightyear one គឺជាផ្ទាំងសូឡាដែលអាចស្រូបយកថាមពលពីពន្លឺព្រះអាទិត្យ និង បន្ថែមចម្ងាយបើកបរពី ៥០ ទៅ ៧០ គីឡូម៉ែត្រទៀតផង ។ ក្រុមហ៊ុន Lightyear អះអាងថាដំបូលសូឡានោះរឹងមាំខ្លាំងរហូតអាចដើរលើវាក៏បានដែរ ។

    តែទោះជាយ៉ាងណាក៏ដោយរូបរាងរបស់ Lightyear One នៅមិនទាន់សម្រេចផ្លូវការនៅឡើយទេ ។ Lightyear ក៏បានបង្ហើបតម្លៃនៃរថយន្តអគ្គិសនីរបស់ខ្លួនដែរ គឺមានតម្លៃរហូតដល់ ១៧០,០០០ ដុល្លារក្នុងមួយគ្រឿង ខណៈចំនួន ១០០ គ្រឿងដំបូងត្រូវបានគេកក់រួចបាត់ទៅហើយ ៕

    ដោយ៖ ស្រស់

    ភ្ជាប់ទំនាក់ទំនងជាមួយ Merl Plus
  • អត្ថបទថ្មី