Zidane និយាយរួចហើយថាគាត់ចង់នៅជាមួយ Real ជាច្រើនឆ្នាំទៀត

11847
  • មុនការប្រកួត​របស់​ក្រុម Real Madrid តទល់​នឹង​ Las Palmas លោក​ Zinedine Zidane បាន​ជួបជាមួយ​នឹង​អ្នក​សារព័ត៌មានដោយ​ត្រូវបាន​សួរ​ដេញដោល​អំពី​អនាគត​របស់​គាត់​ក្នុង​នាម​ជាគ្រូបង្វឹក​នៃ​ក្លឹប​មួយ​នេះ។ មាន​ពាក្យ​ចចាមរាម​ជាច្រើន​ជុំវិញ​គ្រូបង្វឹកសញ្ជាតិបារាំង​រូបនេះ ក្រោយ​ពេល​ដែល​ការ​ចាប់​ផ្តើម​រដូវកាល​ថ្មី​​មិន​បាន​លទ្ធផលល្អ​ ហើយ​ដោយ​សារ​តែ​បញ្ហានេះ​ មាន​មន្ទឹលជាច្រើន​ទាក់​ទង​នឹង​ថា​តើ​លោក​នឹង​បន្ត​នៅ​ក្លឹប​នេះ​ទៀត​ ឬ យ៉ាងណា​នៅ​រដូវកាល​ក្រោយ​។

    Image result for Zinedine Zidane

    លោកបាន​បញ្ជាក់ថា “បាទ! ខ្ញុំចង់​នៅធ្វើ​ជាគ្រូបង្វឹក​របស់​ Real Madrid ជាបន្តដូចសព្វមួយដងចឹង ពីព្រោះខ្ញុំចូលចិត្ត​បាល់ទាត់ ខ្ញុំចូលចិត្ត​អ្វីដែល​ខ្ញុំធ្វើ​រាល់​ថ្ងៃ ហើយ​ខ្ញុំដឹង​យ៉ាង​ប្រាកដ​ថា​ពេល​នេះ​ខ្ញុំស្ថិត​នៅចំណុចណា។ តែអ្នកទាំងអស់គ្នា​សុទ្ធតែ​បាន​ដឹង​ហើយ​ថា​បាល់​ទាត់​វា​យ៉ាងម៉េច។ ប្រសិនវា​អាស្រ័យ​លើ​ខ្ញុំ​នោះ ខ្ញុំ​នឹង​បន្ត​នៅ Real Madrid ហើយ​ផែនការ​របស់​ខ្ញុំ​គឺ​នៅ​ឲ្យ​បាន​យូរបំផុត​តាម​ដែល​អាច​ធ្វើ​ទៅបាន”។

    Image result for Zinedine Zidane

    “គឺខ្ញុំបាន​បញ្ជាក់​វា​ច្រើន​លើកមកហើយ តែ​អ្វីដែល​ជាបញ្ហា​នោះគឺ នៅ​ Madrid អ្វីៗគឺ​អាស្រ័យ​លើ​លទ្ធផល។ ខ្ញុំនៅ​ទីនេះ ១៨ ឆ្នាំហើយ ហើយ​ខ្ញុំបាន​ដឹង​យ៉ាង​ច្បាស់​ថា​ Real Madrid យ៉ាងម៉េច។ ខ្ញុំចូលចិត្ត​អ្វីដែល​ខ្ញុំកំពុង​ធ្វើ​ ហើយ​ខ្ញុំចង់​បន្ត​ធ្វើ​វា​ទៅមុខទៀត”។

    Image result for Zinedine Zidane

    នេះជាការបញ្ជាក់​យ៉ាង​ច្បាស់​ពី​សំណាក់​គ្រូបង្វឹក​ដែល​ដឹកនាំក្រុម​ឈ្នះជើងឯក Champions League ពីរលើក​មកហើយ ដែល​ថា​លោក​ចង់​នៅ​ដឹក​នាំបន្តទៀត ៕

    ដោយ៖ Dara Hunii

    ប្រភព :
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី