​ក្រុម​ដែល​មាន​រហស្សនាម​ថា​ក្ងាន​សួគ៌ Swansea City នៃ​សមាជិក​លី​ហ្គ​កំពូល​អង់គ្លេស​បាន​លត់​ក្រុម Notts County ជាមួយ​នឹង​លទ្ធផល​ធំធេង​មែនទែន ៨-១ បាន​ឡើង​ទៅ​ជុំ​ទី៥ បន្ត​នៃ​ពាន FA Cup កាលពី​រាត្រី​ថ្ងៃ​អង្គារ​ម្សិល​ម៉ិ​ញ​នេះក្នុង​កីឡដ្ឋាន Liberty Stadium។​​កីឡាករ Tammy Abraham ជា​អ្នក​ស៊ុត​បើក​ការ​នាំ​មុខ​មុន ១-០ ក្រោយ​កា​រប​ញ្ចូ​ន​បាល់​ពី Lucioano Narsingh នាទី​ទី​១៨ មុន​ពេល​ដែល​កីឡាករ Nathan Dyer ធ្វើបាន ២គ្រាប់​នៅ ១០​នាទី​ក្រោយ​បាន​យ៉ាង​ល្អ​ដើម្បី​នាំមុខ ៣-០ ក៏ប៉ុន្តែ​កីឡាករ Nott County សង​បាន​មួយ​គ្រាប់​វិញ​ ដោយ​ថ្វី​ជើង​ពី​ចម្ងាយ​របស់ Noor Husin នាទី​ទី​៣៥ តាម​ពីក្រោយ ៣-១ តែ​មុន​ចប់​ពោល​គឺ​នាទី​ទី៤៥ កីឡាករ​ដែល​ស៊ុត​គ្រាប់​ទី១ Tammy Abraham ជា​អ្នក​បន្ថែម​ការ​នាំ​មុខ ៤-១ នឹង​ជា​គ្រាប់​ទី​២ របស់​គេ។​

​​ដោយឡែក​ឯ​ការ​ប្រកួត​បន្ត​ក្នុង​វគ្គ​ទី២ ម្ចាស់ផ្ទះ​ក្ងាន​សួ​ហ៍ Swansea City ក៏​បន្ត​ធ្វើ​បាន​ល្អ​អស្ចារ្យ ៤៥នាទី​ចុងក្រោយ ដោយ​ពួកគេ​អា​ចរក​គ្រាប់​បាល់​បាន​ដល់​ទៅ ៤គ្រាប់​ទៀត​ក្នុង​នោះ​កីឡាករ Kyle Naughton ធ្វើបាន​នៅ​នាទី​ទី៥៣ គ្រាប់​នាំមុខ ៥-១ ហើយ ៤នាទី​ក្រោយ​មក​ទៀត​កីឡាករ Wayne Routledge សម្រេច​គ្រាប់​នាំមុខ ៦-១ នៅ​នាទី​ទី៥៧ កីឡាករ Thomas Carroll ធ្វើ​បាន​មួយ​គ្រា​ប់​ដែរ​នៅ​នាទី​ទី៦៥ នាំមុខ ៧-១ នឹង​គ្រាប់​ចុងក្រោយ​បំផុត​នៅ​នាទី​ទី៨២ ដោយ​កីឡាករ​ប្ដូរ​ចូល Daniel Jame ដែល​ជា​ការ​បញ្ចូល​បាល់​ពី Tammy Abraham បញ្ចប់​ការប្រកួត​ក្រុម Swansea City ឈ្នះ​លើស​លុប ៨-១ ទៅលើ Nott County ឆ្លង​ផុត​ជុំ​ទី៤ នៅ FA Cup។​

​​ដូច្នេះ​ក្រុម Swansea City នឹង​ឡើង​ទៅ​ជួប​ជាមួយ​ក្រុម Sheffield Wednesday នៃ​សមាជិក​លី​ហ្គ​លំដាប់​ទី២ នៅ​ថ្ងៃ​ទី​១៧ ខែ​កុម្ភៈ​ខាងមុខនេះ​។​ ​​លទ្ធផល​ផ្សេងទៀត​មាន​ដូច​ជា Huddersfield Town ឈ្នះ Birmingham City ៤-១ និង Rochdale ឈ្នះ Millwall ១-០ ផង​ដែរ៕

ដោយ៖​ តារា