James Rodriguez បានបង្ហាញទម្រង់លេងដ៏ល្អចាប់តាំងពីរូបគេបានចូលលេងនៅ Bayern Munich ហើយប្រធានក្លឹប អាល្លឺម៉ង់ មួយនេះបានសម្រេចចិត្តរួចទៅហើយថានឹងទិញយក កីឡាកររូបនេះតែម្តងដោយត្រូវចំណាយបន្ថែម ៤២ លានអឺរ៉ូ។
Real Madrid កន្លងមកបានអនុញ្ញាតឲ្យកីឡាកររូបនេះទៅលេងនៅទឹកដីអាល្លឺម៉ង់ ជាលក្ខណៈខ្ចីជើងរយៈពេល ២ ឆ្នាំ ដែលក្លឹប Bayern បានប្តេជ្ញាថានឹងត្រូវចំណាយ ១៣ លានអឺរ៉ូ។ ពេលនេះពួកគេនឹងធ្វើឲ្យការផ្ទេរនេះអចិន្ត្រៃយ៍តែម្តង ដែលមានន័យថា Real Madrid នឹងរកបាន ជាង៥០លានអឺរ៉ូឯណោះពីប្រតិបត្តិការទាំងមូលនេះ។ការសម្រេចរបស់ Bayern នេះគឺជាកាសម្រេចចិត្តចុងក្រោយហើយ ដែល Real Madrid ក៏បានដឹងឮរួចមកហើយដែរនូវបំណងទិញយកកីឡាករ Rodriguez នេះ។
James Rodriguez របស់ក្លឹប Bayern Muenchen ស៊ុតបាន ១ គ្រាប់ ដែលជួយឲ្យក្លឹបទទួលបានជ័យជម្នះ ២-០ ពេលប៉ះជាមួយ Borussia Dortmund កាលពីថ្ងៃទី ៣១ មីនា កន្លងទៅ ។ កីឡករ James Rodriguez ខ្លួនឯងក៏បានបង្ហាញសញ្ញាយល់ព្រមចំពោះការផ្ទេរនេះដែរ។ James បានចាប់ផ្តើមរៀនភាសាអាល្លឺម៉ង់ ហើយរូបគេក៏មានអារម្មណ៍ល្អជាមួយក្លឹបនេះដែរ ដែលកន្លងមកគេអាចរកបាន ៥ គ្រាប់ និងបញ្ចូនបាល់ឲ្យមិត្តរួមក្រុមស៊ុតបាន ១១ ដង ក្នុងរដូវកាលនេះ។
បើទោះបីការចាប់ផ្តើមដំបូងហាក់មិនសូវល្អក្តី ពេលនេះរូបគេមានទំនាក់ទំនងល្អជាមួយគ្រូបង្វឹក Jupp Heynckes ដែលទាំងកីឡាករ និងក្លឹបសុទ្ធតែចង់បានបែបនេះ ៕
តោះទស្សនាជំនាញខ្លះៗរបស់ Jame ទាំអស់គ្នា៖
ដោយ៖ Dara Hunii
