Neymar ត្រូវបានគេនិយាយថាគាត់កំពុងតែមិនសប្បាយចិត្តនៅទីក្រុងប៉ារីសបន្ទាប់ពីការផ្លាស់ប្តូរដ៏គួរអោយភ្ញាក់ផ្អើលនៅរដូវក្តៅមុន ពីក្លឹប Barcelona ហើយកីឡាករប្រេស៊ីលរូបនេះត្រូវបានគេនិយាយថាកំពុងតែរៀបចំផែនការផ្ទេរទៅកាន់ក្លឹប Real Madrid នារដូវក្រោយខាងមុខនេះ ។
Samuel Umtiti ដែលជាអតីតមិត្តរួមក្រុមជាមួយ Neymar នៅឯក្លឹប Barcelona មិនបានគិតថាអតីតខ្សែប្រយុទ្ធរបស់ក្លិប Barcelona រូបនេះគឺខុសឆ្គងក្នុងការផ្ទេរទៅកាន់ក្លឹប Real Madrid ដែលជាគូប្រកួតប្រជែញដ៏ស្វិតស្វាញបំផុតនៅក្របខ័ណ្ឌ Laliga នោះទេ ។
ខ្សែការពាររបស់បារាំងរូបនេះបាននិយាយថា៖”នៅក្នុងបាល់ទាត់អ្វីៗក៏អាចកើតឡើងបានដែរ ។ កីឡាករដែលធ្លាប់លេងឱ្យក្លឹប Barca រួចហើយនោះមិនមែនមានន័យថាអ្នកមិនអាចទៅ Real Madrid បាននោះទេ ។ ប្រសិនបើគាត់ចង់ទៅ ហើយ Real ចង់បានគាត់នោះអ្វីៗត្រូវបានបញ្ចប់” ៕
ដោយ៖ Dara Hunii
ប្រភព :
