ក្រោយពីអាជ្ញាកណ្តាលពិន័យកាតក្រហមខ្សែប្រយុទ្ធក្លិបបឹងកេត Gbenga ពេលនេះសហព័ន្ធបាល់ទាត់ទ្វីបអាស៊ី បានបន្ថែមពិន័យប្រាក់ ១ ពាន់ដុល្លារអាមេរិកថែមទៀត ចំពោះកំហុសគ្រោះថ្នាក់ខ្លាំងក្នុងការប្រកួត AFC CUP ។
ការប្រកួតកាលពីថ្ងៃទី ១៤ ខែ មីនា Gbenga បានលូកជើងទៅទប់បាល់ប៉ុន្តែភ្លាត់ចំប្រអប់ជើងខ្សែការពារ Jantan របស់ក្រុម Home United ធ្វើឲ្យអាជ្ញាកណ្តាលផ្តល់កាតក្រហមនិងបណ្តេញចេញពីការប្រកួតតែម្តង។
ដូច្នេះ កីឡាករនីហ្សេរីយ៉ារបស់បឹងកេត នឹងគ្មានវត្តមានក្នុងការប្រកួតរវាងបឹងកេត និង Ceres-Negros នៅពហុកីឡដ្ឋានជាតិ នាថ្ងៃទី ១១ ខែមេសាខាងមុខនេះទេ ៕
ដោយ៖ Dara Hunii
