Heynckes៖ បើចង់លើកពាន UCL កីឡាករទាំងអស់ត្រូវតែលេងឲល្អជាងនេះ

5002
  • លោក Jupp Heynckes បាន​និយាយ​ថា កូន​ក្រុម​របស់​គាត់ ត្រូវលេង​ឲ្យ​បាន​ល្អ​ជាងនេះ​ទៀត ប្រសិនបើ​ពួកគេ​ចង់​លើក​ពាន Champions League រដូវ​កាល​នេះ​។ គ្រូ​បង្វឹក​របស់ Bayern Munich បាន​លើកឡើង​ដូច្នេះ បន្ទាប់​ពី​ឃើញ​ក្រុម​របស់គាត់​យកឈ្នះ​ក្នុង​លទ្ធផល ២-១ លើ​ក្រុម Sevilla ទាំង​លំបាក​ក្នុងការប្រកួត​ជើង​ទី​មួយ វគ្គ​ប្រាំបី​ក្រុមចុង​ក្រោយ​នៅ​ប្រទេស​អេស្ប៉ាញ​កាល​ពី​ថ្ងៃ​អង្គារ​នេះ​។

    Related image

    Pablo Sarabia បាន​រកគ្រាប់​បាល់​បើក​ឆាក​សម្រាប់ Sevilla ត្រឹមតែ​កន្លះ​ម៉ោង​ក្រោយ​ចាប់ផ្តើម​ការប្រកួត​ប៉ុណ្ណោះ ដោយសារ​កំហុស​ខ្សែ​ការពារ Juan Bernat ។ Bayern បាន​តាម​ស្មើ​វិញ​នៅ ៥ នាទី​បន្ទាប់​ពី​នោះ ដោយសារ​គ្រាប់​បាល់​សំណាង​ដែល Franck Ribery បញ្ជូន​ទៅ​ត្រូវ​ខ្ទាត់​ចូល​ចុងដៃ​របស់​អ្នក​ចាំ​ទី David Navy បន្ទាប់​ពី​ផ្លាត​ចេញពី​ជើង​របស់ Jesus Navas ។ ជើង​ឯក​របស់​អាល្លឺម៉ង់​មួយនេះ​បាន​ធ្វើការ​នាំ​មុន​នៅ​នាទី​ទី ៦៨ ក្រោយ​ពី Thiago Alcantara ទែត​បាល់​ទៅបុក​នឹង​ជើង​របស់ Sergio Escudero ហើយ​បាល់​ក៏​ខ្ទាត់​ចូល​ទី​ម្តងទៀត​។

    Related image

    ថ្លែង​បន្ទាប់​ពី​ចប់​ការប្រកួត​នេះលោក Heynckes បាន​ប្រាប់​សារ​ព័ត៌មាន​ថា៖ “វា​ពិត​ជា​សំខាន់ណាស់​ក្នុងការ​តាម​ស្មើ​បាន​ភ្លាមៗ​។ យើង​ពិតជា​មាន​សំណាង​បន្តិច​ដែរ ប៉ុន្តែ​បាល់ទាត់​គឺ​បែប​នេះ​។ វាគឺ​ជា​ការ​មាន​ប្រៀប​ផ្នែកចិត្ត​សាស្រ្ត​ដែល​អាច​ស៊ុត​បញ្ចូល​ទី ឬ​នាំមុខ​មុន​នៅមុន​ចប់​តង់​ទី​មួយ​”។

    Image result for bayern munich vs sevilla

    Heynckes ដែល​បាន​កោត​សរសើរ​កីឡាករ​ប្តូរ​ចូល James Rodriguez និង Rafinha បាន​និយាយ​ថា៖ “ប្រសិនបើ​យើង​ចង់​ឈ្នះ​ពាន Champions League នោះ​យើង​ត្រូវ​តែ​លេង​ឲ្យបាន​ល្អ​ជាង​នេះ​ទៀត​ ។ Sevilla ពិតជា​លេង​បាន​ល្អ​ណាស់​នៅ​តង់​ទី​មួយ យើង​ធ្វើការ​គ្រប់គ្រង​បាល់​បាន​តិច​ពេក​។ យើង​ផ្តុំគ្នា​ទាំងអស់​នៅ​ខ្សែ​បម្រើ ដែល​វា​ធ្វើ​ឲ្យ Sevilla បង្កើត​ឱកាស​បាន​ជា​ច្រើន​លើក​ ។ យើង​បាន​ធ្វើការ​ផ្លាស់ប្តូរ​យុទ្ធ​សាស្រ្ត​មួយ​ចំនួន ហើយ​ក៏​បាន​ទទួល​ជ័យ​ជម្នះ​ទាំង​លំបាកនៅ​ចុង​បញ្ចប់ ដោយសារ​តែ​ទម្រង់​លេង​ក្នុង​តង់​ទីពីរ​របស់​យើង​ ” ៕

    ដោយ៖ Dara Hunii

    ប្រភព :
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី