Sergio Aguero៖ លោក Pep Guardiola បានធ្វើឱ្យខ្ញុំក្លាយជាកីឡាករល្អជាងមុន

11404
  • ខ្សែប្រយុទ្ធរបស់ក្លឹប​មេឃខៀវ គឺកីឡាករ Sergio Aguero បាន​និយាយថា ​ការ​ដឹក​នាំរបស់​លោក Pep Guardiola ​​ក្នុង​រដូវកាល​​នេះ​ ពិត​ជា​បាន​ជួយ​ឲ្យ​រូប​គេ​មាន​ទម្រង់​លេង​កាន់​តែល្អ។

    Related image

    Aguero បាន​នឹង​កំពុង​មាន​ទម្រង់​លេង​ដ៏​អស្ចារ្យ​នៅក្នុង​រដូវកាល​ ២០១៧/១៨ នេះ ដោយ​រក​បាន ៣០ គ្រាប់ក្នុង ៣៧ ប្រកួត​។ Aguero និយាយ​ថា​តាក់ទិចរបស់​លោក Guardiola បាន​ចូលរួម​ចំណែក​យ៉ាង​ធំធេង​ទៅក្នុង​ទម្រង់​លេង​ដ៏ល្អរបស់គេ​នៅ​ពេល​នេះ។ ខ្សែប្រយុទ្ធរូបនេះ​បាន​និយាយថា បើ​ទោះ​បី​ជា​លោក Pep ជាគ្រូ​បង្វឹក​ម្នាក់​ដែល​មាន​ការ​ទាមទារ​ខ្ពស់ប​ន្តិច​ ដោយ​ចង់​បាន​លទ្ធផល​ល្អ​ក្តី គឺគាត់​អាចគ្រប់​គ្រង​ការលេងរបស់​ក្រុម​គាត់​បាន ហើយ​ Aguero បាន​លេង​តាម​របៀប​ដែល​គ្រូ​បង្វឹក​រូប​នេះ​ចង់​បាន​សម្រាប់​ក្រុម​មេឃខៀវ។

    Image result for Sergio Aguero with Pep Guardiola

    កីឡាករ​អាហ្សង់ទីន​រូប​នេះ​ជឿថា​ក្នុង​ការ​ប្រកួត​នីមួយៗ​វា​តែង​តែ​មាន​មេរៀន​ដែល​យើង​អាច​រៀនសូត្របាន ហើយ​ថា​រូបគេ​តែង​តែ​ត្រៀម​ខ្លួន​ក្នុង​ការ​លេង​​តាម​ការ​ដឹក​នាំ​របស់​លោក Pep ជានិច្ច។ រូបគេបាន​បន្ថែមថា៖”ខ្ញុំគិតថា​ការ​ដែល​អាច​លេង​តាម​ទម្រង់​របស់​លោក Pep បាន គឺជាកត្តា​ដ៏សំខាន់​មួយ​ក្នុង​ធ្វើ​ឲ្យ​ទម្រង់​លេង​របស់​ខ្ញុំ​បាន​ល្អដូចសព្វថ្ងៃសម្រាប់​រដូវកាល​នេះ”៕

    ដោយ៖ តារា

    ប្រភព :
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី