ជាការពិតណាស់បើនិយាយពីស្ទាយ៍សម្លៀកបំពាក់អាចនិយាយបានថា អាវយឺតជាស្ទាយ៍មួយដែលពាក់ទៅឃើញសាមញ្ញៗ និងធម្មតានោះទេ សម្រាប់ក្រសែភ្នែកអ្នកដទៃ ។ ជាពិសេសយុវវ័យជាច្រើនតែងតែគិតថា ពេលដែលពួកគេជ្រើសរើសការពាក់អាវយឺតទៅធ្វើឱ្យសម្រស់របស់ពួកគេនឹងមិនលេចធ្លោគួរឱ្យទាក់ទាញដូចស្ទាយ៍ផ្សេងៗនោះឡើយ ។
ប៉ុន្តែមានតារាស្រីល្បីៗជាច្រើនបែរជានិយមជាមួយស្ទាយ៍បែបនេះទៅវិញដោយភាគច្រើនគេនិយមពាក់អាវយឺតតាមទីសាធារណៈ ដើម្បីបង្អួតសម្រស់ក្នុងស្ទាយ៍សាមញ្ញៗ ហើយនៅតែអាចឆាបយកបេះដូងពីហ្វេនៗបានដដែល ។ ក្នុងនោះដែរគេឃើញថា តារាកូរ៉េស្រីទាំងនោះមើលទៅរឹតតែគួរឱ្យស្រលាញ់ និង ចាប់អារម្មណ៍នៅពេលដែលយកអាវយឺតទៅតុបតែងជាមួយសំពត់ខ្លីៗ ឬ អៀមខោមើលទៅស្រស់ស្អាត និង ប្លែកៗពីគ្នាតែម្ដង ៕
ដោយ៖ នីតា
