ប្រធានក្លឹប Bayern Munich លោក Karl-Heinz Rummenigge ចេញពីក្របខណ្ឌ UEFA Champions League នៅរដូវកាលនេះបាន។
Bayern នឹងត្រូវធ្វើជាម្ចាស់ផ្ទះទទួលក្រុមភ្ញៀវ Real នៅកីឡដ្ឋាន Allianz Arena នៅថ្ងៃពុធសប្ដាហ៍ក្រោយនេះ សម្រាប់ការប្រកួតជើងទីមួយនៃក្របខណ្ឌ Champions League វគ្គពាក់កណ្តាលផ្តាច់ព្រ័ត្រ ខណៈ AS Roma និង Liverpool ក៏ត្រូវប៉ះគ្នានៅវគ្គនេះផងដែរ។
គួររំលឹកដែរថា Bayern ត្រូវធ្លាក់ចេញពីការប្រកួតក្រោមថ្វីជើងរបស់ Real Madrid នៅវគ្គពាក់កណ្តាលផ្តាច់ព្រ័ត្រក្នុងឆ្នាំ ២០១៤ និងនៅវគ្គប្រាំបីក្រុមចុងក្រោយកាលពីឆ្នាំមុន។ ទោះបីជាយ៉ាងណាក៏ដោយលោក Rummenigge នៅតែមានជំនឿថា ជើងឯកនៅ Bundesliga មួយនេះនឹងអាចទម្លាក់ក្រុមរបស់ Zinedine Zidane បាន។
លោក Rummenigge បានប្រាប់អ្នកសារពត៌មានថា៖ “មានតែ Bayern មួយគត់ ដែលអាចបំបាក់ Real Madrid បាន ។ ដើម្បីទម្លាក់ Real Madrid បាន យើងត្រូវតែយកឈ្នះលើការប្រកួតទាំងពីរជើង ហើយមានតែ Bayern មួយគត់ដែលអាចធ្វើរឿងនេះបាន ។ ក្រុមរបស់យើងពោរពេញទៅដោយកីឡាករដែលមានសមត្ថភាពខ្លាំងក្លា ហើយ Jupp Heynckes បានរៀបចំយុទ្ធសាស្រ្តលេងសម្រាប់កូនក្រុមបានយ៉ាងល្អជាទីបំផុត ។ ក្រុមរបស់យើងមិនមានការច្រណែនគ្នា ឬភាពអាត្មានិយមនៅក្នុងឡើយ គឺមានតែស្មារតីជាក្រុមដ៏អស្ចារ្យតែប៉ុណ្ណោះ” ៕
ដោយ៖ តារា
