លោក Pochettino៖ យើងគួជ្រើសរើសកីឡាករមុនការប្រកួត World Cup មកដល់

5335
  • អ្នកចាត់​ការ​ក្លឹប​ Tottenham Hotspur គឺលោក Pochettino សង្ឃឹម​ថា​ការ​ឆាប់​គិត​គូរអំពីរឿង​ផ្ទេរកីឡាករ​កាន់​តែ​បាន​ឆាប់​គឺ​កាន់តែ​ល្អ ដោយ​មិន​ត្រូវ​រងចាំ​មើល​កីឡាករ​ពេល​ប្រកួត​បាល់​ទាត់​ពិភពលោក (World Cup) នោះទេ ព្រោះ​ថា​ពេល​នោះ​វា​នឹង​មាន​ភាព​ស្មុកស្មាញ​ទាំងពេល​វេលា និង​តម្លៃ​ខ្លួន​កីឡាករ។

    Related image

    លោក​បាននិយាយថា “វាជារឿងដ៏គ្រោះ​ថ្នាក់​ណាស់​ដែល​ត្រូវ​ចាំ​មើល​ជើង​កីឡាករ​ នៅ​ពេល​ប្រកួត​ World Cup នោះ”។ លោក​ Mauricio Pochettino បន្ថែមថា​ “ប្រសិន​បើ​យើង​ឃើញ​កីឡាករ​នោះ​លេង​ល្អ នោះ​ប្រាកដជាមាន​ការប្រកួត​ប្រជែង​ច្រើន ដូច​នេះ​តើយើង​ធ្វើ​ម៉េច​ទើប​អាច​ចុះ​កុងត្រាជាមួយ​កីឡាករនោះបានទៅ? ពេល​ខ្លះ​គឺ​យើង​ត្រូវ​តែ​ចេះ​មើលទុកមុនដែរ គឺ​ត្រូវគិត​ថា​ ok កីឡាករ​នេះ​ល្អ​សម្រាប់​ក្លឹប​របស់​យើង តែ​ត្រូវ​តែចុះកុង​ត្រាជាមួយ​កីឡាករ​នោះ​មុន​ការ​ប្រកួត​ World Cup ចាប់​ផ្តើម។ យើង​ត្រូវ​តែ​គិត​ និង​មើល​ទុក​ជាមុន​ ព្រោះ​ថា​បើ​មិន​ដូចនេះ​ទេ​គឺ​វា​នឹង​ពិបាក​មិនខាន”។

    Image result for Tottenham Hotspur

    “ក្នុង​បាល់​ទាត់​វា​មិន​មែន​សុទ្ធតែ​រឿង​លុយ​រហូត​នោះទេ។ តែ​ការ​ធ្វើ​បែបនេះ​ពិតជាអាច​ជួយ​បាន។ ក្នុង​នាម​ជាគ្រូបង្វឹក​របស់​ក្លឹប​មួយ​យើង​ត្រូវ​តែ​មាន​គំនិត​​ទាក់​ទង​នឹង​រឿង​បាល់​ទាត់នេះ​ តែ​យើង​ក៏​ត្រូវការ​ឲ្យ​មាន​អ្នក​ជួយ​រុញ​គំនិត​នោះ​ឲ្យ​វា​ចេញ​ជា​សកម្មភាពដែរ។ នៅ Tottenham យើង​ត្រូវ​តែ​ក្លាហាន មាន​ភាព​ជឿជាក់ នឹង​ត្រូវ​តែខំធ្វើ​ការ​ច្រើន​ជាង​ក្លឹប​ដទៃដែល​មាន​កម្រិត​ប្រហាក់​​ប្រហែលយើង”៕

    ដោយ៖ តារា

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី