Real Madrid នឹងត្រូវប្រកួតតទល់នឹងក្រុមខ្លាំងអាល្លឺម៉ង់ដែលមានកីឡាកររបស់ខ្លួនផងដែរក្នុងជំនួបនៅរាត្រីថ្ងៃ ពុធ ខាងមុខនេះ សម្រាប់ការប្រកួតជើងទី ១ វគ្គពាក់កណ្តាលផ្តាច់ព្រ័ត UCL នៅក្រៅទឹកដី។
កីឡាករ កូឡុំប៊ី James Redriguez ដែលកំពុងលេងនៅក្លឹប Bayern Munich ក្នុងលក្ខណៈខ្ចីជើងពី Real Madrid នឹងត្រូវប្រកួតតទល់នឹងក្លឹបដើមរបស់ខ្លួន ហើយដែលកីឡាកររូបនេះមិនគិតថាមានអ្វីចម្លែកនោះទេដែលត្រូវប្រកួតតទល់នឹងអតីតមិត្តរួមក្រុមរបស់ខ្លួននៅ Real នោះ។
នៅពេលសួរថាតើរូបគេបានត្រៀមលក្ខណៈសម្រាប់ជួប Real ហើយ ឬ នៅ James បានឆ្លើយយ៉ាងខ្លី និងម៉ឺងម៉ាត់ថា៖ “បាទ ខ្ញុំបានត្រៀមរួចជាស្រេចហើយ” ។ យើងនឹងចាំមើលទាំងអស់គ្នា ថាតើ James អាចនឹងបង្ហាញទម្រង់លេងល្អប៉ុណ្ណាពេលប៉ះអតីតមិត្តរួមក្រុមរបស់គេដូចនេះ ៕
ដោយ៖ តារា
