Troy Deeney នឹងមិនទទួលបានពិន័យពីសហព័ន្ធបាល់ទាត់ទេក្រោយកីឡាកររូបនេះ បានប្រើកាយវិការមិនសមរម្យពេលអបអរកាស៊ុតបាល់ពិន័យ ១១ មែត្របានសម្រេច ក្នុងការប្រកួតទល់នឹងក្រុមតោខៀវកាលពីរាត្រីថ្ងៃចន្ទកន្លងទៅនេះ។
ទោះជាមិនទទួលបានការពិន័យក្តី សហព័ន្ធបាល់ទាត់នឹងចេញលិខិតប្រមានដល់កីឡាករខ្សែប្រយុទ្ធរបស់ក្លិប Watford រូបនេះ ដើម្បីឲ្យប្រុងប្រយ័ត្ននៅថ្ងៃមុខ។
Deeney បានធ្វើសញ្ញាទៅកាន់អ្នកគាំទ្របន្ទាប់ពីស៊ុតបានសម្រេចនូវបាល់ពិន័យ ១១ មែត្រ ដែលជួយឲ្យ Watford យកឈ្នះលើក្រុម Chelsea ក្នុងលទ្ធផល ៤-១។
តែដោយសារតែកីឡកររូបនេះធ្លាប់បានទទួលការហាមឃាត់បី និងបួនប្រកួតរួចហើយក្នុងរដូវកាលនេះ រូបគេបានរួចខ្លួនពីការដាក់ទោសជាថ្មី ក្រោយពេលសហព័ន្ធបាល់ទាត់បានពិនិត្យមើលវីដេអូឡើងវិញ តែមើលទៅហាក់មិនសមទទួលបានកាតក្រហម។
អ្នកនាំពាក្យសហព័ន្ធបាននិយាយនៅលើ Twitter ថា “កីឡាករ Troy Deeney របស់ Watford នឹងមិនទទួលបានការចាត់វិធានការអីជាផ្លូវការទៀតឡើយ សម្រាប់កាយវិការរបស់គាត់លើកនេះ តែគាត់នឹងទទួលបានលិខិតប្រមានប៉ុណ្ណោះ”។
