លិចលឺដំណឹងថា Steven Gerrard អាចនឹងទៅដឹកនាំក្លឹបមួយលេងនៅលីគកំពូលរបស់ ស្កុត​ឡេន

6260
  • Steven Gerrard បាន​បង្ហើប​ឲ្យ​ដឹង​ថា កិច្ច​ពិភាក្សា​ជាមួយ Rangers កំពុង​ដំណើរ​ការ​ទៅយ៉ាង​រលូន ខណៈ​មាន​របាយការណ៍​មួយ​ចំនួន​បង្ហាញ​ថា ពួកគេ​បាន​យល់​ព្រម​ចុះ​កុងត្រា​រយៈ​ពេល ៣ ឆ្នាំ រួច​ហើយ​ទៀត​ផង។

    Related image

    អតីត​ប្រធាន​ក្រុម Liverpool រូបនេះ​បាន​បង្ក​ឲ្យមាន​ការភ្ញាក់​ផ្អើល​មួយ​សម្រាប់​ក្រុម Premier League នៅ​ស្កុត​ឡេន បើ​ទោះបី​ជា​ខ្លួន​មាន​បទ​ពិសោធន៍​ដឹកនាំ​ត្រឹម​តែ​មួយ​រដូវកាល​ក៏​ដោយ​។ អតីត​ខ្សែ​ប្រយុទ្ធ​វ័យ ៣៧ ឆ្នាំ​រូបនេះ​បាន​ដឹកនាំ​ក្រុម U18 របស់ Liverpool មួយ​រយៈ​មកហើយ ប៉ុន្តែ​ឥឡូវនេះ​មាន​ដំណឹង​លេច​ឮ​ថា Gerrard នឹង​ទៅ​ជំនួស​តំណែង​គ្រូ​បង្វឹក​របស់ Rangers លោក Graeme Murty ដែល​ត្រូវ​ចាក​ចេញ។

    Image result for Steven Gerrard

    ថ្លែង​ទៅកាន់​ទូរទស្សន៍ BT Sport Gerrard បាន​និយាយ​ថា៖ “ខ្ញុំ​បាន​ធ្វើការ​ពិភាក្សា​ជំហាន​ដំបូង​រួច​ហើយ ហើយ​ខ្ញុំ​មាន​គ្រោង​នឹង​បន្ត​កិច្ច​ពិភាក្សា​នេះ​ទៀត​ក្នុង​រយៈពេល​ពីរ​បីថ្ងៃ​ទៀត ។ ខ្ញុំ​រវល់​បន្តិច​នៅ​ប៉ុន្មាន​ថ្ងៃ​នេះ ហើយ​ខ្ញុំនឹង​បន្ត​ពិភាក្សា​ជាមួយ​ពួក​គេ​ទៀត​នៅ​ថ្ងៃ​ព្រហស្បតិ៍ ហើយ​យើង​នឹង​បាន​ដឹង​នូវ​ការ​វិវឌ្ឍន៍​បន្ទាប់”។

    Image result for Steven Gerrard

    Murty បាន​ចូល​កាន់​តំណែង​ជា​គ្រូ​បង្វឹក​របស់ Rangers ជា​បណ្តោះ​អាសន្ន​ជំនួស​អតីត​គ្រូ​បង្វឹក Pedro Caixinha កាល​ពី​ខែ​តុលា​នេះ ប៉ុន្តែ​គាត់​ត្រូវ​បាន​គេ​បណ្តេញ​ចេញ​ពី​តំណែង​វិញ​នៅ​សប្តាហ៍​នេះ​។ ទោះបី​ជា​យ៉ាងណា​ក៏​ដោយ បើ​យោង​តាម​កាសែត Daily Star បាន​ឲ្យ​ដឹង​ថា Gerrard ត្រូវបាន​គេ​ផ្តល់​កុង​ត្រា​រយៈពេល ៣ ឆ្នាំ​សម្រាប់​ដឹក​នាំ ហើយ​គាត់​បាន​យល់ព្រម​ទទួល​តំណែង​នេះ​រួច​ទៅហើយ​ ៕

    ដោយ៖តារា

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី