Mario Balotelli ចង់វិលទៅទឹកដីអ៊ីតាលីវិញ ប៉ុន្តែបដិសេធមិន​វិល​ទៅ​កាន់ AC Milan ជា​លើក​ទី​បី​នោះ​ទេ

6741
  • Mario Balotelli បាន​បង្ហាញ​ពី​បំណង​របស់​គាត់​ដែល​ចង់​វិល​ត្រឡប់​ទៅ​កាន់​ក្រប​ខណ្ឌ Serie A វិញ ដោយ​បាន​និយាយ​ថា នេះ​អាច​ជា​រដូវកាល​ចុង​ក្រោយ​របស់​គាត់​នៅ​បារាំង​ជាមួយ​ក្លឹប Nice ។

    Related image

    Balotelli បាន​មក​កាន់​ក្របខណ្ឌ Ligue 1 ក្រោយ​ចាក​ចេញ​ពី Liverpool នៅ​ឆ្នាំ ២០១៦ ហើយ​នឹង​ត្រូវ​ផុត​កុងត្រា​នៅ​រដូវ​ក្តៅ​នេះ។ ខ្សែ​ប្រយុទ្ធ​រូបនេះ​បាន​និយាយ​ថា គាត់​លេង​បាន​ល្អ​ខ្លាំង​ណាស់​នៅ​ក្នុង​ប្រទេស​បារាំង​នៅ​រដូវកាល​នេះ ប៉ុន្តែ​គាត់​ចង់​វិល​ត្រឡប់​ទៅកាន់​ទឹក​ដី​កំណើត​របស់​គាត់​វិញ។

    Image result for mario balotelli

    ទោះបី​ជា​យ៉ាង​ណា​ក៏​ដោយ អតីត​ខ្សែ​ប្រយុទ្ធ​របស់ Manchester City និង Liverpool ដែល​មាន​វ័យ ២៧ ឆ្នាំ​រូបនេះ​បាន​បដិសេធ​មិន​វិល​ទៅ​កាន់ AC Milan ជា​លើក​ទី​បី​នោះ​ទេ។

    Image result for mario balotelli

    Balotelli បាន​ប្រាប់​គេហ​ទំព័រ Calciomercato.com ថា៖ “ខ្ញុំ​ចង់​ត្រឡប់​ទៅ​អ៊ីតាលី​វិញ ។ មាន​ក្រុម​ជា​ច្រើន​ដែល​តាម​ទាក់ទង​ខ្ញុំ ប៉ុន្តែ​ខ្ញុំ​អាច​និយាយ​បាន​ថា Milan មិន​មែន​ជា​ក្រុមក្នុង​ចំណោម​នោះ​ទេ។ គ្មាន​ឱកាស​ដែល​ត្រូវ​វិល​ត្រឡប់​ទៅ Rossoneri (AC) វិញ​នោះ​ទេ ។ ទៅ​ទៀត នេះ​អាច​នឹង​ក្លាយ​ជា​រដូវកាល​ចុង​ក្រោយ​របស់​ខ្ញុំ​នៅ​ទី​នេះ ទោះ​បី​វា​រដូវកាល​មួយ​ដ៏​ពិសេស​បំផុត​របស់​ខ្ញុំ​នៅ​ក្នុង​ប្រទេស​បារាំង​ក៏​ដោយ​” ៕

    ដោយ៖តារា

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី