វិរៈបុរសបាល់ទាត់វៀតណាម Le Cong Vinh បានប្រកាសលាឈប់ពីតំណែងប្រធានស្តីទីក្លិប HCM City ហើយ ក្រោយដឹកនាំបាន១៧ខែ។ Cong Vinh បានចូលមកជ្រោមជ្រែងក្លិបនៅ V league 1 មួយនេះ តាំងពីដើមឆ្នាំ គ្រាដែលគេភ្ជួរស្បែកជើងពីវាលស្មៅ។
សមឹទ្ធផលដែលគេធ្វើបានឲ្យក្លិបគេ ទាក់ចិត្តអតីតគ្រូជម្រើសជាតិវៀតណាម Toshiya Miura មកដឹកនាំ។ ក្រៅពីនេះ ក៏មានការកោះហៅកីឡាករក្មេងៗចូលក្រុម។ លើសពីនេះទៀតគឺ ខែមុននេះគេបានប្រកាសគម្រោងចាយលុយជិត២លានដុល្លារដើម្បីជុសជុលស្តាត។
Hochiminh City FC កាលពីរដូវកាលមុនបានបញ្ចប់ចំណាត់ថ្នាក់ទី១២នៅលីគកំពូលវៀតណាម។ សម្រាប់រដូវកាលថ្មីនេះ ពួកគេកំពុងស្ថិតនៅចំណាត់ថ្នាក់ទី៤ ក្រោយប្រកួតបាន៦សប្តាហ៍ ៕
ដោយ៖តារា
ប្រភព :
foxsportsasia
