លោក Zinedine Zidane មានជំនឿថា វានឹងមិនមានបញ្ហាថា Ronaldo មិនអាចលេងជាដៃគូនឹង Neymar នោះទេ ប្រសិនបើក្លឹបអធិរាជ្យសនេះពិតជាត្រូវទិញ Neymar មកមែននោះ។ របាយការណ៍មួយបានបង្ហើបឱដឹងថា Real Madrid ហាក់កំពុងទទួលបានភ្លើងខៀវក្នុងការទិញយក Neymar ពី Paris Saint-Germain ហើយ។
Zidane និយាយថា៖ “ខ្ញុំមិនដឹងថាតើក្លឹបកំពុងចរចាជាមួយនឹង Neymar ឬ អត់នោះទេ។ ខ្ញុំមិនគិតថាមានរឿបបែបនេះទេ ព្រោះថាយើងកំពុុងគិត លើអ្វីៗដែលយើងកំពុងធ្វើនាពេលបច្ចុប្បន្ន។ ខ្ញុំមិនបានចូលរួមពាក់ព័ន្ធនឹងរឿងនោះទេ វាជារឿងរបស់អ្នកផ្សេង។ អ្វីដែលយើងត្រូវធ្វើពេលនេះគឹត្រូវបញ្ចប់រដូវកាលនេះឲ្យបានល្អ ហើយរឿងផ្សេងចាំជជែកគ្នាពេលក្រោយក៏បាន។ វាប្រាកដណាស់ថានឹងមានការផ្លាស់ប្តូរជាមិនខាន ប៉ុន្តែខ្ញុំមិនទាន់ចង់គិតដល់រឿងទាំងនោះនៅឡើយពេលនេះ”។
Zidane ក៏បដិសេធទៅនឹងការលើកឡើងថា Neymar និង Ronaldo មិនអាចលេងក្នុងក្រុមជម្រើស ១១ នាក់ជាមួយគ្នានោះទេ។
លោកបានបន្ថែមថា៖ “កីឡាករល្អតែងតែអាចលេងជាមួយកីឡាករផ្សេងបានល្អជានិច្ច។ កាលពីមុនមានមនុស្សច្រើនណាស់ដែលនិយាយថា ខ្ញុំនឹងមិនអាចលេងជាមួយ អតីតកីឡការរួមក្រុមជម្រើសជាតិបារាំង Youri Djorkaeff បានឡើយ។ នេះជាការលើកឡើងដែលគ្មានទំនងទាល់តែសោះហើយ។ ពួកយើងបានលេងជាមួយគ្នាហើយបានឈ្នះពានរង្វាន់ពិភពលោក ថែមទៀតផងកាលនោះ។ ក្នុងទីលានប្រកួតកីឡាករដែលល្អតែងតែលេងបានល្អ តែរឿងក្រៅទីលានប្រកួតខ្ញុំមិនដឹងទេ”៕
ដោយ៖តារា
