កីឡាកររបស់ក្លឹប Man Utd ខ្លាចលោក Jose Mourinho ដល់ថ្នាក់នឹង​!!!

22984

អតីតវីរៈបុរសរបស់ Arsenal លោក Paul Merson ជឿថា កូនក្រុមរបស់ Manchester United មួយចំនួនមានការភ័យខ្លាចចំពោះលោក Jose Mourinho ណាស់ ហើយនេះជាមូលហេតុដែលធ្វើឲ្យប៉ះពាល់ដល់ទម្រង់លេងរបស់ពួកគេ។ Mourinho តែងតែទទួលបានកេរ្តិ៍ឈ្មោះល្បីខាងគ្រូបង្វឹកដែលហ្មត់ចត់ និងមានការទាមទារខ្ពស់ ហើយតែងតែស្រែកឲ្យកីឡាកររបស់ខ្លួនជាសាធារណៈ នៅពេលដែលគាត់យល់ថា ពួកគេលេងមិនបានល្អគ្រប់គ្រង ឬគ្មានធ្លាក់ទម្រង់លេងនោះ។

Related image

United ហាក់ដូចជាអស់សង្ឃឹមហើយ ក្រោយពួកគេទទួលបានលទ្ធផលត្រឹម ០-០ ជាមួយ West Ham កាលពីថ្ងៃព្រហស្បតិ៍នេះ ដោយមិនអាចស៊ុតបញ្ចូលទីក្នុងការប្រកួតជាប់ៗគ្នាបានជាលើកដំបូងចាប់តាំងពីខែមីនា ឆ្នាំ ២០១៦ មក។ Mourinho បានធ្វើការផ្លាស់ប្តូរកីឡាករ ដោយដាក់អ្នកថ្មីចំនួនប្រាំបីនាក់សម្រាប់ការប្រកួតនេះ ប៉ុន្តែកីឡាករថ្មីមិនអាចធ្វើឲ្យក្រុមទទួលបានជោគជ័យឡើយ ហើយ Merson បាននិយាយថា គាត់បានសម្គាល់ឃើញអ្វីម្យ៉ាងទៅលើទម្រង់លេងរបស់កីឡាករទាំងនោះ។

Image result for Mourinho

គាត់បាននិយាយនៅក្នុងកម្មវិធី The Debate របស់ទូរទស្សន៍ Sky Sports ថា៖ “រាល់ពេលដែលកីឡាកររបស់ Manchester United បាត់បង់ឱកាសណាមួយ នោះពួកគេតែងតែរត់ទៅក្រោយវិញ ហើយសម្លឹងទៅ Mourinho ដោយការភ័យខ្លាច ។ អ្នកអាចមើល Manchester City, Tottenham, Chelsea, Liverpool ព្រមទាំង Arsenal នោះអ្នកនឹងឃើញអំពីទម្រង់លេងរបស់ពួកគេ ។ វាមើលទៅដូចជាស៊ីចង្វាក់គ្នាណាស់។ វាខុសគ្នានឹង Manchester United ។ កីឡាករគ្រប់គ្នានៅឈរស្ងៀម ហើយគ្រាន់តែចាំប៉ះបាល់ ដោយមិនធ្វើចលនាច្រើនឡើយ។ ខ្ញុំគិតថា កីឡាករទាំងនោះសុទ្ធតែមានការភ័យខ្លាចយ៉ាងខ្លាំង”។

Image result for Mourinho with the team

Mourinho បានសារភាពថា ក្រុមរបស់គាត់ពិតជាត្រូវការការពង្រឹងបន្ថែមទៀតមែន ប៉ុន្តែលោក Merson យល់ថា គាត់គួរតែបារម្ភអំពីកីឡាករដែលចង់ចាកចេញពីទឹកដី Old Trafford ច្រើនជាង។

Image result for Mourinho with the team

គាត់បាននិយាយថា៖ “ប្រសិនបើមានកីឡាករណាម្នាក់ត្រូវផ្ទេរចេញនៅរដូវក្តៅនេះ នោះពួកគេនឹងមិនចាកចេញពី Manchester United ជាមួយនឹងទឹកភ្នែកទេ។ ពួកគេជាច្រើននាក់មើលទៅហាក់ដូចជាលេងបាល់ដោយគ្មានភាពរីករាយសោះឡើយ” ៕

ដោយ៖តារា

ប្រភព :
foxsportsasia
ភ្ជាប់ទំនាក់ទំនងជាមួយ Merl Plus
  • អត្ថបទថ្មី