Lionel Messi ខិតជិតឈ្នះ​ពានរង្វាន់ Pichichi លើកទី ៥ ក្នុងអាជីពរបស់ខ្លួន

9072
  • Lionel Messi បាន​ដើរ​តួ​ជា​កីឡាករ​សំខាន់​មួយ​រូប​របស់ Barcelona ជាថ្មីម្តងទៀតដោយស៊ុតបាន ៣៤ គ្រាប់ ខណៈដែល​ Cristiano Ronaldo និង Luis Suarez មិន​អាច​តាម​កីឡាករ​រូប​នេះទាន់​នោះ។ វា​នឹង​ក្លាយ​ជា​ពានរង្វាន់ Pichichi លើកទី ៥ ក្នុងអាជីពរបស់គេ ដែល​ស្មើ​នឹង​ Quini, Alfredo Di Stefano និង Hugo Sanchez។ មើលទៅ​ ៣៤គ្រាប់នេះ​នឹង​គ្រប់គ្រាន់​ឲ្យ Messi ទទួលបាន​នាមជាកីឡាករ​កំពូល​បំផុត​របស់អ៉ឺរ៉ុបហើយ។

    Image result for Messi

    រូបគេ​នៅ​មាន​ការប្រកួត​ក្នុង​ដៃ​ទៀត​ដែល​អាច​ផ្តល់​ឱកាស​ដល់​រូបគេ​ក្នុង​ការ​អាច​រក​បាន​គ្រាប់​បន្ថែម​ ដែល​នឹង​ធ្វើ​ឲ្យ​តួលេខ​ពេល​នេះ​កាន់​តែ​អស្ចារ្យថែមទៀត ហើយ​ខណៈដែលយប់​ម៉ិញ​នេះ Mohamed Salah អាច​រក​បាន​តែ ១ គ្រាប់បន្ថែមពី​ជ័យ​ជម្នះ​លើក្រុម Brighton ដែល​មានលទ្ធផល ៤-០ នោះ យើង​អាច​ច្បាស់​ហើយ​ថា​ពាន​នេះ​នឹង​ជារបស់ Messi យ៉ាងពិតប្រាកដ។

    Related image

    ខ្សែប្រយុទ្ធសញ្ជាត អេហ្ស៊ីប រូបនេះ មាន​តែ ៣២គ្រាប់ប៉ុណ្ណោះនៅក្នុង​ Premier League ហើយ​ក៏អស់​ឱកាស​រក​បាន​គ្រាប់បន្ថែម​ដែរ ព្រោះ​ថា​ពេល​េនះ Premier League បាន​ដល់ទីបញ្ចប់ហើយ។

    Image result for Mohamed Salah

    ប្រកៀកៗនេះ​ដែរ ក៏មាន កីឡាករ​ Robert Lewandowski ដែល​បាន​ខ្ចាត់ចេញពី ការប្រកួត​ប្រជែង​យក​ពាន​នេះ ពេល​ដែល Bayern បរាជ័យរហូត ៤-១ ក្នុង​ការប្រកួត​ចុងក្រោយ​ក្នុង​ក្របខណ្ឌ Bundesliga។ ដែល​កីឡាករ​ប៉ូឡូញ​របស់នេះ​អាច​រកបាន​តែ ២៩គ្រាប់ប៉ុណ្ណោះ គឺ ស្មើ​នឹង Ciro Immobile ដែល​កំពុង​មាន​របួស។ វាលែង​តែ​មាន​អភូតហេតុ​អស្ចារ្យ​ណាស់​មួយ​នៅ​ក្នុង​ក្របខណ្ឌ Serie A កើត​ឡើង​ទើប​ឱកាស​របស់ Messi នេះ​អាច​មាន​ការប្រែប្រួល​បើ​មិន​អញ្ចឹងទេ គឺ​វាប្រាកដជាក្លាយ​ជារបស់គាត់​ហើយ ៕

    ដោយ៖តារា

    ប្រភព :
    foxsportsasia
  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី