ក្រោយការចាកចេញរបស់លោក Unai Emery ពី Paris Saint-Germain លោក Thomas Tuchel ត្រូវបានបង្ហាញជាផ្លូវការហើយថានឹងដឹកនាំក្លឹបបារាំងមួយនេះសម្រាប់រយៈពេល ២ ឆ្នាំខាងមុខ។ អតីតអ្នកចាត់ការក្លឹប Borussia Dortmund រូបនេះនឹងត្រូវកាន់ការងារថ្មីនេះ ដែលលោកខ្លួនឯងពិតជាពេញចិត្តនឹងធ្វើវាឲ្យអស់ពីលទ្ធភាព។
លោកបាននិយាយថា៖ “វាពិតជាអ្វីដែលធ្វើឲ្យខ្ញុំសប្បាយចិត្តជាខ្លាំងដែលបានចូលរួមជាមួយក្លឹបដ៏អស្ចារ្យមួយនេះ”។
Tuchel បានជួបជាមួយ Neymar រួចហើយ តែយើងមិនអាចទាន់ដឹងជាប្រាកដនៅឡើយថា កីឡាកររូបនេះនឹងនៅលេងបន្តឲ្យ PSG ក្រោមការដឹកនាំរបស់លោកគ្រូម្នាក់នេះ ឬ យ៉ាងណានោះទេនារដូវកាលក្រោយនេះ។ លោកគ្រូត្រូវបានគេរំពឹងថានឹងអាចជួយឲ្យ PSG គ្រងជើងឯក ឆេមពានស៍លីក នៅរដូវកាលក្រោយនេះ។
Paris Saint-Germain are delighted to announce that Thomas Tuchel will be the new first-team coach next season !
The German tactician has signed a two year contract with the French champions 🔴🔵 pic.twitter.com/JoeU0jMqFC
— Paris Saint-Germain (@PSG_English) May 14, 2018
លោក Nasser Al-Khelaifi ប្រធានក្លឹប PSG បានមានប្រសាសន៍ថា “Thomas គឺជាគ្រូបង្វឹកបាល់ទាត់អឺរ៉ុបមួយរូបដែលមានសមត្ថភាព ដែលមានភាពលេចធ្លោរយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ៕
ដោយ៖តារា
