Buriram United ធ្លាក់ចេញពីពាន AFC Champion league ត្រឹមវគ្គ ១៦ ក្រុមចុងក្រោយ

7185

ក្តី​រំពឹង​យ៉ាង​មោះមុត​របស់ Buriram United ក្នុង​ការ​បន្ត​ដំណើរ​ទៅ​មុន​ក្នុងពានរង្វាន់ AFC Champions League ២០១៨ ត្រូវ​រលាយ​សាបសូន្យក្នុង​វគ្គ​ ១៦ ក្រុម​ចុង​ក្រោយ​ បន្ទាប់​​ពី​ក្រុម​នេះ​រង​បរាជ័យ​ក្នុង​លទ្ធផល ២-០ ក្រោម​ថ្វីជើង​របស់ Jeonbuk Hyundai Motors កាលពី​ល្ងាច​ថ្ងៃអង្គារ ដោយ​ការ​ប្រកួត​ទាំងពីរជើងលទ្ធផលសរុប Buriram ចាញ់​ Jeonbuk Hyundai Motors ៤-៣។

Image may contain: 1 person, smiling, playing a sport and outdoor

សម្រាប់​ការ​ប្រកួត​នៅ​ថ្ងៃ​អង្គារ​នេះ Jeonbuk បាន​នាំ​មុខ​នៅ​នាទី ១៨ ផ្ដើម​ចេញ​ពី​ការ​ទាត់​កាត់​ចូល​ដោយ Lee Young រួច​តែតទម្លាក់​យ៉ាងល្អដោយ Kim Shin-wook ចុងបញ្ចប់ Ricardo Lopes បាន​ទាត់​បំប៉ោង​សំណាញ់​ទី។ ក្រុម​ជើងឯករបស់​លីគកំពូលថៃ បាន​របូតគ្រាប់​បាល់​ដល់ទៅពីរគ្រាប់​កាលពីជើង​ទីមួយ ទើប​ធ្វើ​ឲ្យ​ថ្ងៃ​នេះ​ក្រុម​របស់​ខ្លួន​ចាញ់​ដោយ​មិន​អស់​ចិត្ត។ ពួកគេ​គ្មាន​សំណាង​ក្នុង​ការ​តាម​យក​ស្មើ​នៅ​នាទី​ ៤៥ មុន​បញ្ចប់​តង់​ទីមួយ ដោយការ​ស៊ុត​របស់ Jakkaphan Kaewprom ត្រូវ​បាន​រារាំង​ដោយ​របារ​ទី​ខាងលើ ខ្ទាតចេញ​ទៅក្រៅ។

Image may contain: 4 people, people playing sports and outdoor

នៅនាទី ៧២ Buriram មាន​ឱកាស​មួយ​ដ៏ល្អទៀត តែ Diogo មិន​អាច​លោត​តែតចាក់​អន្ទង់​ចំបាល់នៅ​កៀក​នឹង​មុខ​ទី​តែម្ដង ធ្វើ​ឲ្យ​ឱកាស​បាត់បង់​ទៅវិញ។ នៅ​នាទី ៧៧ Buriram ភ័យស្ទើរធ្លាក់ថ្លើមនៅ​ពេលដែល Kim ទទួល​បាន​បាល់តែត​មួយ​យ់ា់ង​មុត​ស្រួច​សម្ដៅ​ទី ប៉ុន្តែ​សំណាងល្អត្រូវ​អ្នក​ចាំ​ទី​ដោល​ចេញ​ទៅលើ។ ប៉ុន្តែ​ កី្តសង្ឃឹម​របស់​ Buriram ក្នុង​ការ​រក្សាលទ្ធផល​ស្មើ​ និង​ឱកាស​ក្នុង​ការឡើងទៅ​វគ្គ ៨ក្រុមចុងក្រោយត្រូវ​រលាយ​នៅ​នាទី ៨៤ នៅ​ពេល​ដែល Lee Jae-sung របស់ Jeonbuk បំប៉ោង​សំណាញ់ទីដោយ​បាល់​ហ្វ្រ៊ីឃីក។

Image may contain: 1 person, outdoor

ដូច្នេះ Buriram United បានខ្ទាតចេញពីពានរង្វាន់ AFC Champions league រដូវកាល ២០១៨ ក្រោមថ្វីជើងក្រុមខ្លាំង Jeonbuk Hyundai Motors ត្រឹមវគ្គ ១៦ ក្រុមចុងក្រោយ ៕

ដោយ៖តារា

ភ្ជាប់ទំនាក់ទំនងជាមួយ Merl Plus
  • អត្ថបទថ្មី