យោងតាមកាសែតក្លឹបបាល់ទាត់ Barcelona បានឲដឹងថាក្លឹប Los Blancos ( Real Madrid ) បានកំណត់គោលដៅឱ្យ Kylian Mbappe ក្លាយជាកីឡាករដែលគួរឱ្យទុកចិត្តជាង Neymar ។
ក្លឹបយក្សរបស់ទីក្រុង ម៉ាឌ្រីដ មួយនេះចង់ចុះហត្ថលេខាជាមួយ Mbappe ពីក្លឹប Monaco កាលពីរដូវក្តៅមុន ប៉ុន្តែត្រូវបានក្លឹប PSG បានចុះកិច្ចព្រមព្រៀងខ្ចីជើងលឿនបានមុន ។ ឥឡូវនេះក្លឹបអ្នកមាន PSG មួយនេះអាចទិញកីឡាកវ័យក្មេងដែលមានទេពកោសល្យរូបនេះផ្ដាច់មុខក្នុងតម្លៃ ១៨០ លានអឺរ៉ូ។ ទោះជាយ៉ាងណាក៏ដោយពួកគេត្រូវគោរពតាមគោលការណ៍ហិរញ្ញវត្ថុរបស់បាល់ទាត់បារាំងជាមុនសិន។
ទន្ទឹមនឹងនេះដែរពាក្យចចាមអារ៉ាមអំពីកីឡាករ Neymar និងផ្ទេរទៅកាន់ក្លិប Real Madrid បានកើនឡើងយ៉ាងខ្លាំង។ កីឡាករសញ្ជាតិប្រេស៊ីលរូបនេះបានអះអាងថាគាត់កំពុងធុញទ្រាន់យ៉ាងខ្លាំងនៅទីក្រុងបារីស។ ទោះបីជាយ៉ាងណាក៏ដោយក្លឹប Los Blancos មិនត្រូវបានបដិសេធឬបញ្ចេញមតិលើពាក្យចចាមអារ៉ាមទាំងនេះឡើយ ខណៈប្រធានក្លឹប PSG នៅតែបន្តអះអាងថា Neymar នឹងមិនទៅទីណាឡើយ។
ហេតុអ្វី Zidane ចង់ Mbappe ជាជាង Neymar? គាត់គិតថាកីឡាករវ័យក្មេងរូបនេះអាចលេងបានល្អប្រសើរជាមួយទម្រង់លេងរបស់ក្រុម Real Madrid ។ ហើយមើលទៅដូចជាពេលវេលារបស់ Karim Benzema នៅ Santiago Bernabeu ដល់ទីបញ្ចប់ផងដែរ ។
តើអ្នកទាំងអស់គ្នាចង់ឲក្លឹប Real Madrid ទិញយក Mbappe ឬ Neymar?
ដោយ៖តារា
