Timo Werner ថា៖ ក្រុម អាល្លឺម៉ង់ គឺមានប្រៀបជាងក្រុមណាៗទាំងអស់នៅ World Cup

11736

ក្រុមការពារតំណែងជើងឯកបាល់ទាត់ពិភពលោកមួយនេះនឹងត្រូវធ្វើការប្រកួតលើកដំបូងជាមួយម៉ិកស៊ិក ខណៈពេលដែល Timo Werner ក៏បានជាប់ឈ្មោះក្នុងចំណោមកីឡាករទាំង ២៧ រូបដែលគ្រូបង្វឹក Joachim Low បានសម្រិតសម្រាំងសម្រាប់ព្រឹត្តិការណ៍នេះផងដែរ។

Image result for Timo Werner

កីឡាករ Timo Werner នឹងធ្វើដំណើរទៅចូលរួមការប្រកួតដ៏ធំនេះក្នុងទម្រង់លេងដ៏អស្ចារ្យ ខណៈរូបគេស៊ុតបញ្ចូលទីបានចំនួន ២១ គ្រាប់ក្នុងការបង្ហាញខ្លួនចំនួន ៤៥ លើកក្នុងការប្រកួតទាំងអស់សម្រាប់ក្រុម Die Roten Bullen ក្នុងឆ្នាំ ២០១៧/១៨។ លើសពីនេះទៅទៀត កីឡាករវ័យ ២២ ឆ្នាំរូបនេះអាចរកគ្រាប់បាល់បានចំនួន ៧ គ្រាប់នៅក្នុងការបង្ហាញខ្លួនចំនួន ១២ លើកសម្រាប់ក្រុម Die Mannschaft (ជម្រើសជាតិអាល្លឺម៉ង់)ហើយគាត់ថែមទាំងទទួលបានស្បែកជើងមាសនៅ FIFA Confederations ឆ្នាំ ២០១៧ ស្របពេលដែលអាល្លឺម៉ង់បានទទួលជ័យជម្នះផងដែរ។

Related image

ថ្លែងទៅកាន់ MDR កីឡាករវ័យ ២២ ឆ្នាំរូបនេះបាននិយាយថា៖ “យើងគឺជាក្រុមដែលមានប្រៀបជាងគេបំផុត។ ខ្ញុំមិនដឹងថាមានប្រៀបកម្រិតណានោះទេ ប៉ុន្តែដឹងត្រឹមថាយើងមានប្រៀបជាងក្រុមណាៗទាំងអស់ ។ យើងមានគម្រោងសំខាន់ៗជាច្រើននៅរដូវក្តៅនេះ។ ខ្ញុំពិតជាអន្ទះសារចង់ទៅចូលរួមការប្រកួតបាល់ទាត់ពិភពលោកនេះណាស់។ តែវាមិនមកដល់ឆាប់ៗសោះ”។

Related image

ដើម្បីត្រៀមលក្ខណៈសម្រាប់ព្រឹត្តិការណ៍នេះ ក្រុមជម្រើសជាតិអាល្លឺម៉ង់នឹងត្រូវធ្វើការប្រកួតលក្ខណៈមិត្តភាពចំនួនពីរប្រកួតជាមួយអូទ្រីស (២ មិថុនា) និងអារ៉ាប៊ីសាអូឌីត (៩ មិថុនា) មុនពេលចាប់ផ្តើមការពារតំណែងជើងឯករបស់ខ្លួនក្នុងខែមិថុនាខាងមុខនេះ ៕

ដោយ៖តារា

ប្រភព :
foxsportsasia
ភ្ជាប់ទំនាក់ទំនងជាមួយ Merl Plus
  • អត្ថបទថ្មី