Jerome Boateng៖ វា​ជា​ការសម្រេចចិត្តមួយដ៏លំបាក​ក្នុង​ការ​ចាក​ចេញ​ពី Bayern München

5557
  • Jerome Boateng និយាយ​ថា​ខណៈដែល​រូបគាត់​នៅ​មានចិត្ត​សប្បាយ​រីករាយ​ជាមួយ FC Bayern München គាត់​នឹង​មិន​ផ្លាស់​ទៅ​ក្លឹប​ណា​ផ្សេង​ទេ​មុន​ពេល​រដូវកាល​ថ្មី​មកដល់។

    Related image

    កីឡាករ​វ័យ ២៩ឆ្នាំ​រូប​នេះ​បាន​ចំណាយ​ពេល​មួយ​រដូវ​កាល​លេង​នៅ Premier League ដោយ​លេងឲ្យ​ក្រុម Manchester City ក្រៅ​ពីនោះ​គឺ​គាត់​ចំណាយ​ពេល​វេលា​ទាំងអស់​ក្នុង​អាជីព​បាល់​ទាត់​ជាមួយ​លីគ​នៅ​អាល្លឺម៉ង់។ អតី​ត​ខ្សែ​ការពារ​ឆ្នើម​របស់ Hertha Berlin និង Hamburg បាន​ចូល​រួម​ជាមួយ Bayern ចាប់តាំង​ពី​ឆ្នាំ ២០១១ និង​និយាយ​ថា​រូប​គាត់​ត្រៀម​រួច​រាល់​សម្រាប់​ការ​ផ្លាស់ប្ដូរ​បរិយាកាស។

    Image result for Jerome Boateng

    កីឡាករ Boeteng ដែល​បាន​ចុះ​កិច្ចសន្យា​ជាមួយ​ Bayern រហូត​ដល់​ឆ្នាំ ២០២១ បានថ្លែងប្រាប់ Sky ថា៖ “ប្រទេស​ផ្សេង​តែង​តែ​ចាប់​អារម្មណ៍។ អ្នក​មិន​មាន​ឱកាស​ច្រើន​ទេ។ អ្នក​រាល់គ្នា​ត្រូវ​ធ្វើ​ការ​សម្រេច​ចិត្ត​សម្រាប់​ខ្លួន​គេ ថា​តើ​គេ​ចង់​ទទួល​បាន​បទ​ពិសោធន៍​ថ្មី​ឬទេ។ ខ្ញុំ​មាន​អាយុ​ច្រើន​ហើយពេលនេះ​ មិន​ដូច​កាល​ដែល​ខ្ញុំ​ទៅ​លេង​នៅ​ Manchester City ទេ ហើយ​ឥឡូវនេះ​ដល់​ចំណុច​មួយ​ដែល​ខ្ញុំ​ត្រូវ​ធ្វើការ​សម្រេច​ចិត្ត​ម្ដងទៀត។ ជាការពិត វា​ជា​ការលំបាក​ក្នុង​ការ​ចាក​ចេញ​ពី Bayern។ វាមិនមែន​ជា​ការ​ជ្រើសរើស​ប្រឆាំង​នឹង​ Bayern នោះទេ ព្រោះ​ខ្ញុំ​មាន​អារម្មណ៍​ល្អ​ចំពោះ​ Munich រាប់​ឆ្នាំ​មកហើយ” ៕

    ដោយ៖តារា

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី