ប្រធានក្លិប Paris Saint-Germain បានច្រានចោលពាក្យចរចាអារ៉ាម់ទាក់ទងនឹងខ្សែប្រយុទ្ធវ័យ ១៩ ឆ្នាំរូបនេះជាមួយនឹងការផ្តេរចេញពីក្លិបនៅរដូវក្ដៅខាងមុខនេះ ។
Kylian Mbappe ត្រូវបានគេរំពឹងថានឹងបន្តនៅ PSG យ៉ាងហោចណាស់មួយរដូវកាលទៀត ។ ទូរទស្សន៍បារាំង Canal + បានសួរលោក Nasser Al-Khelaifi ថា តើលោកបានត្រៀមខ្លួនជារួចឬនៅក្នុងការលក់ Kylian Mbappe ? លោក Nasser Al-Khelaifi បាននិយាយថា៖ “អ្នកចង់ឱ្យខ្ញុំផ្តល់តម្លៃមួយឱ្យអ្នក? វាច្រើនជាងមួយពាន់លានអឺរ៉ូ! ។ បាទ ខ្ញុំបាននិយាយថាមួយពាន់លាន! ហើយទោះបីជាអ្នកបានផ្តល់ឱ្យខ្ញុំរាប់ពាន់លានក៏ដោយខ្ញុំនឹងមិនលក់គាត់ដែរ “។
ក្លិប Real Madrid ចង់ចុះហត្ថលេខា Mbappe ពីក្លឹប ម៉ូណាកូ កាលពីរដូវក្តៅមុនដែរ ប៉ុន្តែ PSG បានធានានូវកិច្ចព្រមព្រៀងខ្ចីជើងបានលឿនជាង ។ ឥឡូវនេះក្លឹប PSG អាចទិញកីឡាករវ័យក្មេងដែលមានទេពកោសល្យនេះជាអចិន្រ្តៃយ៍បានក្នុងតម្លៃ ១៨០ លានអឺរ៉ូ។ ទោះជាយ៉ាងណាក៏ដោយពួកគេត្រូវគោរពតាមគោលការណ៍ហិរញ្ញវត្ថុរបស់សហព័ន្ធកីឡាបាល់ទាត់បារាំងជាមុនសិន ៕
ដោយ៖តារា
