លោក Jurgen Klopp ចង់ចុះហត្ថលេខាដ៏សំខាន់មួយដើម្បីពង្រឹងក្រុមរបស់គាត់នៅរដូវក្តៅនេះហើយប្រធានក្រុម Lyon គឺជាកីឡាករស្ថិតនៅកំពូលនៃបញ្ជីរបស់គាត់។
ក្លិបហង្សក្រហម Liverpool ត្រៀមខ្លួនរួចរាល់ហើយដើម្បីចុះកិច្ចសន្យាជាមួយកីឡាករ Nabil Fekir ប្រធានក្រុម Lyon ដោយកិច្ចពិភាក្សាលើកិច្ចព្រមព្រៀងក្នុងតម្លៃខ្លួន ៦០ លានផោន ( ៨០ លានដុល្លារ) ដើម្បីចាប់ផ្តើមនៅសប្តាហ៍នេះ ។ មានការប្រកួតប្រជែងពីក្លិបមួយចំនួនក្នុងនោះរាប់បញ្ចូលទាំង Chelsea ផងដែរសម្រាប់ការចុះហត្ថលេខាជាមួយកីឡាករ Fekir ទោះបីជាក្លិបហង្សក្រហមមានទំនុកចិត្តថាពួកគេបានមើលឃើញកីឡាករដ៏មានសក្តានុពលដទៃទៀតនិងទទួលបានកិច្ចព្រមព្រៀងលើខ្សែប្រយុទ្ធទាំងនោះក្នុងពេលឆាប់ៗនេះ ។
ពិតណាស់ក្រុមរបស់លោក Jurgen Klopp មានបំណងចង់ចុះហត្ថលេខាលើកិច្ចសន្យាសំខាន់ៗមួយចំនួននៅរដូវក្តៅនេះហើយបានកំណត់អត្តសញ្ញាណរបស់បារាំងរូបនេះជាកីឡាករម្នាក់ក្នុងចំនោមកីឡាករទាំងនោះ ៕
ដោយ៖តារា
