Man Utd ប្រកាស​ពីការ​ខាត​បង់​ប្រាក់ ២៩ លាន​ផោន

11626

Manchester United បាន​ប្រកាស​ពី​ការ​ខាតបង់​ចំនួន ២៩ លាន​ផោន​ក្នុង​រយៈពេល ៦ ខែចុង​ក្រោយ​នៅ​ឆ្នាំ ២០១៧ ​ដែលនេះជា​លទ្ធផល​ក្រៅទីលាន​​ដ៏​អាក្រក់​បំផុតសម្រាប់​ក្លិបមួយ​នេះ​​ក្នុង​រយៈ​ពេល ៧ ឆ្នាំ​ចុងក្រោយ​នេះ។
ការ​ផ្លាស់ប្តូរ​របៀបគិត​ពន្ធ​នៅ​សហរដ្ឋ​អាមេរិច​បាន​ធ្វើឲ្យ​ក្រុម​បិសាច​ក្រហម​ខាត​បង់​ប្រាក់លើ​ការ​កាត់​ពន្ធ​ចំនួន ៤៨,៨ លាន​ផោន។ ក្រុមហ៊ុន​លើ​សកល​លោក​ជាច្រើន​ក៏​ត្រូវ​ទទួលរងផល​ប៉ះពាល់​ស្រដៀង​គ្នា​ដោយ​សារ​កំណែ​ទម្រង់​នេះ​ផង​ដែរ ប៉ុន្តែ​ការគិត​ថ្លៃ​ពន្ធ​នេះ​បានធ្វើ​ឲ្យ Old Trafford ត្រូវ​ជាប់​បំណុល បើ​ប្រៀបធៀប​ទៅនឹង​ប្រាក់​ចំណេញ ១៨,៧ លាន​ផោន​ដែល​ពួក​គេ​ទទួល​បាន​ក្នុង​រយៈពេល​ដូច​គ្នា​កាល​ពី​ឆ្នាំ ២០១៦។

ប៉ុន្តែ​លោក Cliff Batey ប្រធាន​ផ្នែក​ហិរញ្ញវត្ថុ​របស់​ក្លឹប​បាន​ទទូច​ថា ក្លឹប​នឹង​ធ្វើការ​ទូទាត់​លើបំណុល​នេះ​។ប្រាក់​ចំណូល​សរុប​របស់ Man United សម្រាប់​រយៈពេល​នេះ​បាន​កើន​ឡើង​ដល់ ១៦៣,៩ លាន​ផោន បួករួម​ទាំង​ការ​ចំណាយ ៦៩,៦ លាន​ផោន​លើ​ថ្លៃ​ប្រាក់​ឈ្នួល និង​ប្រាក់​លើក​ទឹកចិត្ត​ក្នុង​រយៈពេល ៣ ខែ​ចុង​ក្រោយ​នៅ​ឆ្នាំ​នេះ។

អនុ​ប្រធាន​ប្រតិបត្តិ​លោក Ed Woodward បាន​និយាយ​ថា ប្រាក់​ចំណូល​នេះ​បាន​ជួយ​ឲ្យ Man United អាច​បន្ត​កុងត្រា​ថ្មី​ជាមួយ Jose Mourinho និង​ទិញ Alexis Sanchez ពី Arsenal ។

គាត់​បាន​និយាយ​ថា៖ «គំរូ​អាជីវកម្ម​ដ៏​រឹងមាំ​របស់​យើង​បាន​ជួយ​ឲ្យ​យើង​អាច​វិនិយោគ​លើអនាគត​របស់​ក្លឹប​បាន​តាម​រយៈការ​បន្ត​កុងត្រា​របស់​គ្រូ​បង្វឹក Jose Mourinho និង​ការ​ទិញយក Alexis Sanchez»។

«យើង​នឹង​រង់ចាំ​ទទួល​ជោគជ័យ​សម្រាប់​រយៈពេល​ដែល​នៅ​សល់​នៅ​រដូវកាល​នេះប្រកប​ដោយ​ទំនុក​ចិត្ត​»។

ដោ៖ តារា

ប្រភព :
ភ្ជាប់ទំនាក់ទំនងជាមួយ Merl Plus
  • អត្ថបទថ្មី