ខ្សែប្រយុទ្ធវ័យក្មេងរបស់ក្លឹប Barcelona កីឡាករ Ousmane Dembele ត្រូវបានចាប់អារម្មណ៍យ៉ាងខ្លាំងពីសំណាក់លោក Thomas Tuchel ដេលជាគ្រូបង្វឹកថ្មីរបស់ក្លិប Paris Saint-Germain នេះបើយោងតាមការសែត Mundo Deportivo ។
Dembele បានចុះហត្ថលេខាជាមួយក្លឹប Barca កាលពីរដូវក្តៅមុន ហើយក៏ធ្លាប់បានលេងក្រោមការដឹកនាំរបស់លោក Tuchel នៅឯក្លិប Borussia Dortmund ផងដែរ ហើយគ្រូបង្វឹកថ្មីរបស់ក្លឹប PSG រូបនេះនៅតែចង់កីឡាកររូបនេះ ខណះភាគីអេស្ប៉ាញបានចាត់ទុកគេជាកីឡាករវ័យក្មេងម្នាក់នេះជាកីឡាករដ៏មានទេពកោសល្យបំផុត ។
ប៉ុន្តែជាមួយនេះដែរកីឡាករ Antoine Griezmann ដែលនឹងផ្ទេរមកកាន់ទឹកដី Camp Nou នៅរដូវក្តៅ ហើយការលក់កីឡាករ Dembele អាចជាជម្រើសហិរញ្ញវត្ថុដ៏ល្អបំផុតសម្រាប់ក្រុម Catalans មួយនេះ ដោយក្លឹបជើងឯកក្របខ័ណ្ឌ Ligue 1 មួយនេះអាចនឹងចំណាយប្រាក់យ៉ាងច្រើនសន្ធឹកសន្ធាប់ដើម្បីដណ្តើមយកកីឡាករវ័យ ២១ ឆ្នាំរូបនេះ ៕
ដោយ៖តារា
